چونکا دینے والی ویڈیو، مشہور ریپر کی سٹیج پر سامعین کے سامنے موت ہوگئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

ایک حیران کن منظر میں مشہور ریپر کوسٹا ٹیچ جنوبی افریقہ میں اپنے کنسرٹ کے دوران مداحوں کے سامنے انتقال کر گئے۔ ان کے اچانک انتقال نے مداحوں کو غمزدہ کردیا۔

جنوبی افریقی ریپر جن کا اصل نام ’’ کونسٹان ٹی نوس سوپانوگلو ‘‘ تھا۔ اس ویڈیو نے لوگوں کو ہلا کر رکھ دیا جس میں سنگر جوہانسبرگ میں سٹیچ پر گانا گاتے ہوئے گر گیا اور پھر جان کی بازی ہار گیا۔ سنگر کی عمر صرف 28 سال تھی۔

سوشل میڈیا پلیٹ فارمز پر بڑے پیمانے پر گردش کرنے والی اس ویڈیو میں جنوبی افریقہ میں "الٹرا میوزک" فیسٹیول کے دوران ’’کوسٹا ٹیچ‘‘ کو گاتے ہوئے اور پھر سٹیج پر گرتے ہوئے دکھایا گیا۔ اس کے بعد دوسروں نے اسے اپنے پیروں پر کھڑا ہونے میں مدد کی ۔ سنگر نے پھر گانا شروع اور پھر دوبارہ گر کر بے ہوش ہوگیا۔ ریپر کو فوری طور پر ہسپتال منتقل کیا گیا جہاں اس کی موت کا اعلان کردیا گیا۔ طبی حکام نے اس کی موت کی وجہ تاحال واضح نہیں کی۔

گلوکار کے بھائی نے اتوار کو موت کی خبر کی تصدیق کردی اور مرحوم کے ’’ انسٹا گرام ‘‘ اکاؤنٹ پر ایک پیغام پوسٹ کیا جس میں لکھا کہ گہرے دکھ کے ساتھ ہم خود کو سنگر کوسٹا ٹیچ کی موت کا اعلان کرنے پر مجبور محسوس کر رہے ہیں۔ انہو ں نے اس ہنگامی حالت میں اور آخری گھنٹوں میں ’’ کوسٹا ٹیچ‘‘ کے قریب موجود تمام افراد کا شکریہ بھی ادا کیا۔

الٹرا میوزک فیسٹیول نے بھی ایک بیان میں اظہار تعزیت کیا اور واضح کیا کہ کوسٹا جنوبی افریقہ میں ایک بااثر آواز، ایک باصلاحیت ریپر، ڈانسر، گلوکار، نغمہ نگار، ساتھی اور شاندار دوست تھا۔

گانے کو 45 لاکھ ویوز ملے

کوسٹا ٹیچ سواتینی اور موزمبیق کی سرحدوں کے قریب مبومبیلا شہر سے تعلق رکھنے والا گلوکار تھا۔ اسے افریقہ میں سٹار بنانے والے گانوں میں گانے "بگ فلیکسا" کا کردار رہا ۔ اس گانے کو ٹک ٹاک پر شاندار کامیابی ملی اور اس نے یوٹیوب پر بھی 45 ملین ویوز حاصل کر لیے۔ ریپر نے حال ہی میں ایک میوزک کمپنی کے ساتھ شراکت داری میں حصہ لیا تھا۔

مقبول خبریں اہم خبریں

مقبول خبریں