بارسلونا کی فضائی حدود میں دو ہسپانوی طیارے آپس میں ٹکرا گئے، چار افراد ہلاک

ہسپانوی حکام نے کل اتوار اعلان کیا ہے کہ ملک کے شمال مشرق میں ایک ہوائی اڈے کے قریب دو چھوٹے طیارے آپس میں ٹکرا گئے، جس کے نتیجے میں 4 مسافر ہلاک ہو گئے۔

کاتالونیا کی علاقائی حکومت نے بتایا کہ فائر فائٹرز کو بارسلونا کے شمال میں مویا ایئرپورٹ کے قریب ایک جنگل میں ایک جلتا ہوا طیارہ ملا، جب انہیں ایک ایسے شخص کی طرف سے اطلاع موصول ہوئی۔ اس شخص نے ایک طیارے کو گرتے ہوئے دیکھا تھا۔

خبر رساں ادارے’اے ایف پی‘ کے مطابق انہوں نے مزید کہا کہ فائر فائٹرز کو ہلکے طیارے کے اندر سے دو لاشیں ملی ہیں۔

گھنٹوں بعد فائر فائٹرز کو دوسرا ہلکا طیارہ ملا جو پہلے سے 300 میٹر کے فاصلے پر گر کر تباہ ہو گیا تھا، جس میں دو لاشیں تھیں۔