خرطوم عسکری بحری علاقے میں ’آر ایس ایف‘ کا ڈرون تباہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سوڈان میں فوج اور منحرف سریع الحرکت فورسز کے درمیان جاری لڑائی کے دوران العربیہ اور الحدث چینلوں کے ذرائع نے اتوار کو اطلاع دی ہے کہ دارالحکومت خرطوم بحری عسکری کے علاقے میں ’آرایس ایف‘ کا ایک ڈرون مار گرایا گیا ہے۔

یہ واقعہ اس وقت سامنے آیا ہے جب اتوار کو دارالحکومت خرطوم میں نسبتاً حالات پرسکون رہے تاہم کل شام کو تازہ جھڑپیں شروع ہوگئی تھیںْ

العربیہ اور الحدث کے نامہ نگار نے اطلاع دی ہے کہ ہفتے کے روز ہونے والی جھڑپوں کے بعد خرطوم کے مغرب میں واقع امدرمان میں نسبتاً سکون ہے۔

انہوں نے واضح کیا کہ سوڈانی فوج ام درمان میں کومبنگ آپریشن کر رہی ہے اور ہفتے کی شام کو محدود جھڑپوں کے بعد کچھ محلوں میں گھسنے والے ریپڈ سپورٹ فورسز کے سنائپرز کو گرفتار کر رہی ہے۔

خرطوم شمالی فوجی علاقے میں ڈرون تباہ

دوسری طرف سریع الحرکت فورسز نے اتوار کو ایک بیان میں کہا ہے کہ اس نے خرطوم شمالی حصے میں ایک جنگی طیارے کو مار گرایا ہے۔

یہ بات قابل ذکر ہے کہ اپریل 2023 کے وسط میں سوڈان کی دو بڑی فوجی قوتوں کے درمیان پرتشدد لڑائی شروع ہونے کے بعد سے سوڈان ایک بڑے انسانی بحران کی کھائی میں گرتا جا رہا ہے۔ فوج دھڑوں کے درمیان خانہ جنگی سے نقل و حمل اور طبی سامان کی آمد وترسیل بھی متاثر ہوئی ہے۔ لڑائی میں سیکڑوں افراد جاں بحق اور لاکھوں بے گھر ہوچکے ہیں۔

مقبول خبریں اہم خبریں

مقبول خبریں