بندرگاہ پر فیری سے نوجوان کو دھکا دے کرسمندر میں ڈبونے کا دل دہلا دینے والا واقعہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

بدھ کے روز یونانی میڈیا کے ذریعہ گردش کرنے والی ایک ویڈیو میں دردناک حادثہ رپورٹ ہوا ہے جس میں ایک بندرگاہ پر ایک فیری کے عملے نے نوجوان مسافر کودھکا دیا جس کے نتیجے میں وہ سمندر میں جاگر اور جہاں وہ لہروں میں ڈوب گیا۔ ۔یہ نوجوان دارالحکومت ایتھنز کے قریب پیریئس کی بندرگاہ سے نکلنے ہی والا تھا جب اس کے ساتھ یہ حادثہ پیش آیا۔

یونانی رپورٹر کی ویب سائٹ کے مطابق یہ حادثہ منگل کو اس وقت پیش آیا جب بلیو ہورائزن فیری پیریئس کی بندرگاہ سے کریٹ جزیرے کے شہر ہیراکلیون کے لیے روانہ ہونے والی تھی۔

ویڈیو میں دکھایا گیا ہے کہ ایک مسافر بورڈنگ پلیٹ فارم سے فیری پر چڑھنے کی کوشش کر رہا ہے، جبکہ عملے کے دو ارکان اسے ایسا کرنے سے روکنے کی کوشش کرتےدیکھے جاسکتے ہیں۔ اس دوران وہ نوجوان کو دھکا دیتے ہیں اور وہ بورڈنگ پلیٹ فارم اور گھاٹ کے درمیان پانی میں گر جاتا ہے۔

سوشل میڈیا پر گردش کرنے والے اس کلپ میں متاثرہ شخص کی شناخت انٹونیس کریوٹوس بتایا جاتا ہے جس کی عمر 36 سال بتائی گئی ہے۔ پانے میں گرنے بعد اس کا پتا نہیں چلا تاہم بعد میں اس کی لاش نکال لی گئی۔

ویڈیو سامنے آنے کے بعد فیری کے کپتان اور عملے کے ارکان کو گرفتار کر لیا گیا ہے اور ان پر نوجوان کو سمندر میں پھینکنے کا مقدمہ چلایا جائے گا۔

مقبول خبریں اہم خبریں

مقبول خبریں