امریکہ میں بد بخت لڑکے کا اپنی استانی پر تشدد، واقعے کی ویڈیو وائرل

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکی ریاست شمالی کیرولائنا میں گذشتہ ماہ ایک طالب علم کی جانب سے اپنی استانی کو تھپڑ مارنے اور اسےکرسی سے باندھنےکی پریشان کن ویڈیو سوشل میڈیا پر وائرل ہونے کے بعد استغاثہ نے اس نوجوان کے خلاف بالغ ہونے پر مجرمانہ الزامات عائد کیے ہیں۔

ویڈیو میں ٹیچر کو ایک سیٹ سے باندھا ہوا دکھایا گیا جب نوجوان اس سے بات کر رہا تھا اور اسے مار رہا تھا۔ خاتون ٹیچر نے تھپڑ مارے جانے کے باوجود تحمل کا دامن تھامےرکھا۔

فوٹیج میں دیکھا جا سکتا ہے کہ طالب علم نے ٹیچر سے دھمکی آمیز انداز میں پوچھا کہ "کیا آپ چاہتی ہیں کہ میں آپ کو دوبارہ ماروں؟ ٹیچر نے جواب دیا "میں ایسا نہیں چاہتیں"۔

لیکن طالبعلم نے اچانک اسے دوبارہ دائیں جانب سے تھپڑماراجس سے اس کی عینک گر گئی۔


مجرمانہ الزامات

نیویارک پوسٹ کی ویب سائٹ کے مطابق استغاثہ نے کہا کہ طالب علم کو اسکول میں دو الگ الگ اساتذہ پر مبینہ طور پر حملہ کرنے کے لیے مجرمانہ الزامات کا نشانہ بنایا گیا تھا۔

ونسٹن سالم میں پارک لینڈ ہائی اسکول کے سترہ سالہ طالب علم اکوافیس ہیکمان پر فرد جرم عاید کی گئی ہے۔

اس پر ایک بالغ کے طور پر دو خوفناک حملوں کا الزام عائد کیا ہے جس میں 15 اپریل کا مذکورہ حملہ بھی شامل ہے جس میں اس نے اپنی استانی کو دو بار تھپڑ مارا تھا۔

قبل ازیں یکم فروری کواس کے اسکول میں ایک استاد پر حملے میں سیکنڈ ڈگری کے اغوا اور بدانتظامی کے فسادات کا الزام لگایا گیا تھا حالانکہ استغاثہ نے کہا کہ اس نے اکیلے کام نہیں کیا۔

مقبول خبریں اہم خبریں

مقبول خبریں