چینی وفد کا سعودی نیشنل ڈیفنس یونیورسٹی کا دورہ

عوامی جمہوریہ چین کی نیشنل ڈیفنس یونیورسٹی کے ایک وفد نے یونیورسٹی کے پروگراموں اور تعلیمی سرگرمیوں کے بارے میں جاننے کے لیے سعودی عرب کی نیشنل ڈیفنس یونیورسٹی کا دورہ کیا۔ وفد نے یونیورسٹی کے سربراہان سے تحقیق اور تحقیق و تعلیم کے شعبوں میں تعاون کے پہلوؤں پر بھی تبادلہ خیال کیا۔

یاد رہے 67 سال کی فوجی تعلیم کے بعد سعودی عرب نے مسلح افواج کے کمانڈ اینڈ سٹاف کالج میں تبدیلی کے عمل کا آغاز کیا۔ اس طرح وزارت دفاع کے ترقیاتی اہداف کو حاصل کرنے کے لیے نیشنل ڈیفنس یونیورسٹی بن گئی۔

یونیورسٹی کا افتتاح شہزادہ خالد بن سلمان نے کیا تھا۔ یہ ایک قابل ذکر فوجی وژن کی حامل یونیورسٹی ہے۔ 2030 تک یہ قومی سلامتی اور دفاع کے شعبے میں فوجی اور سویلین لیڈروں کی تیاری اور اہلیت دینے میں ایک اہم علاقائی یونیورسٹی بن جائے گی۔

نیشنل ڈیفنس یونیورسٹی نے قومی سلامتی میں پیشہ ور کیڈرز کو فارغ التحصیل کرنے کے علاوہ دفاع اور قومی سلامتی کے شعبوں میں سائنسی تحقیق کے کام بھی کیے ہیں۔ اس کے علاوہ اہم اور سٹریٹجک سطحوں پر فیصلہ سازوں کو تیار کیا گیا ہے۔ یونیورسٹی سے نکلنے والوں نے اندرونی اور بیرونی طور پر تعلیمی اور پیشہ ورانہ مہارت حاصل کی ہے۔