جنوبی کوریا: سپریم کورٹ نے امریکی موسیقار کا 'بے بی شارک' کاپی رائٹ کا دعویٰ مسترد کر دیا

جنوبی کوریا کی سپریم کورٹ نے جمعرات کو ایک امریکی موسیقار کے 30 ملین جنوبی کوریائی ون (21,600 ڈالر) کے نقصان کا دعویٰ مسترد کر دیا جنہوں نے ملک کی بچوں کے مواد کی کمپنی پر الزام لگایا کہ اس نے ان کے ورژن "بے بی شارک" کا سرقہ کیا تھا۔ اس فیصلے سے عالمی سطح پر مقبول دھن پر چھے سال سے جاری قانونی جنگ ختم ہو گئی۔

جانی اونلی کے نام سے بھی معروف رائٹ نے اپنا ورژن پنگ فونگ سے چار سال پہلے 2011 میں ریکارڈ کیا تھا لیکن دونوں ہی امریکہ میں بچوں کے سمر کیمپس میں برسوں سے مقبول روایتی دھن پر مبنی تھے۔

عدالتوں نے فیصلہ دیا کہ رائٹ کا ورژن اصل دھن سے اتنا مختلف نہیں تھا کہ کاپی رائٹ تحفظ کے لیے ایک اصل تخلیقی کام کے طور پر اہل ہو اور پنک فونگ کے گانے کا رائٹ سے واضح فرق تھا۔

رائٹ کے جنوبی کوریائی اٹارنی اور پنک فونگ نے فوری طور پر تبصرہ کی درخواستوں کا جواب نہیں دیا۔

یوٹیوب پر 2015 میں ریلیز ہونے کے بعد پنک فونگ کی "بے بی شارک" ایک عالمی مقبولِ عام دھن بن گئی جس کی اصل ویڈیو کو اب 16 بلین سے زائد مرتبہ دیکھا جا چکا ہے اور بل بورڈ ہاٹ 100 چارٹ پر یہ 32 نمبر پر پہنچ گئی ہے۔