غزہ میں اسرائیلی ریاست کی بد ترین اور طویل ترین جنگ کے بارے میں حکومتوں کو جھنجوڑنے کے لیے اتوار کے روز سپین سے عزہ کے لیے سب سے بڑے فلوٹیلا کی روانگی ہوگی۔
اس فلوٹیلا قافلے میں درجنوں کشتیاں امدادی سامان کے ساتھ غزہ کی طرف رواں دواں ہوں گی۔
فلوٹیلا پر فلسطینیوں اور انسانی حقوق کی حمایت کرنے والے کارکن بھی ہوں گے جبکہ تقریبا چوالیس ملکوں سے سینکڑوں انسانی حقوق کارکن اس فلوٹیلا کے ساتھ ہوں گی جبکہ نمایاں شخصیات میں سویڈن سے تعلق رکھنی والی خاتون کارکن گریٹا تھنبرگ اور ماریانہ موٹرآگ بھی شامل ہیں۔ تھنبرگ ایسے ہی ایک فلوٹیلا کے ساتھ پہلے بھی غزہ پہنچنے کی کوشش کر چکی ہیں۔
اسی طرح کی ایک کوشش کے دوران اس سے قبل اسرائیلی فوج کم از کم 9 انسانی حقوق کے ترک کارکنوں کو ہلاک کر چکی ہے۔
ماہ جون کے دوران بھی اسی طرح کی فلوٹیلا کی ایک کاوش کو اسرائیلی فوج نے روک دیا تھا۔ اس میں تھنبرگ بھی شامل تھیں۔
اسرائیلی ریاست نے غزہ کا محاصرہ تقریبا 15 برسوں سے مسلسل جاری رکھا ہوا ہے۔ اس محاصرے کو اسرائیلی ریاست نے جنگ کے دوران بھی پوری شدت سے چلا رکھا ہے۔
