یورو ویژن موسیقی مقابلے : اسرائیل پر رواں سال پابندی برقرار، اگلے سال شرکت کی اجازت
یورو ویژن کو اس وقت دستبرداری کے امکان کا سامنا کرنا پڑا جب منتظمین نے اسرائیل کے لیے مقابلوں میں شرکت کے حق میں ووٹ نہ دیا اور رواں سال کے مقابلے میں اسرائیل کو شرکت کا موقع نہ مل سکا۔ تاہم اسرائیل اگلے سال کے مقابلوں میں شریک ہو سکے گا۔
خیال رہے غزہ میں دو سال تک جاری رہنے والی اسرائیلی جنگ کی وجہ سے اسرائیل کی یورو ویژن میں شرکت کی مخالفت کی گئی۔ نیز بڑے پیمانے پر اس سلسلے میں ہونے والی ووٹنگ میں ہیرا پھیری کے شکوک کا اظہار کیا گیا اور مطالبات نے زور پکڑ لیا۔
تاہم جنیوا میں ہونے والے اجلاس کے بعد یورپی براڈکاسٹنگ یونین نے کہا کہ غیر جانبداری کے تحفظ کے لیے نافذ کردہ اصلاحات پر ممبران کی واضح حمایت ہے۔
جاری کردہ بیان میں کہا گیا کہ ممبران اس امر پر متفق ہیں کہ اس سلسلے میں مزیر ووٹنگ کی ضرورت نہیں ہے اور یورو ویژن گانوں کے مقابلوں کو منصوبے کے مطابق آگے بڑھانا چاہیے۔ تاہم اضافی حفاظتی اقدامات کی ضرورت ہوگی۔
خیال رہے جاری کردہ بیان کے کچھ ہی دیر بعد سپین، آئرلینڈ اور نیدر لینڈز کے براڈکاسٹرز جنہوں نے اسرائیل کے مقابلے میں شرکت کی مخالفت کی تھی۔ انہوں نے کہا کہ ہم اگلے سال مقابلے میں شریک نہیں ہوں گے۔
سپین کے 'آر ٹی وی ای' کے سیکرٹری جنرل الفانسو مورالس نے کہا غزہ میں دو سال رہنے والی اسرائیلی جنگ کی ٹرمپ کے امن منصوبے کے تحت ہونے والی جنگ بندی کے باوجود یورو ویژن کا غیر جانبداری برقرار رکھنا مشکل ہے کہ اسرائیل سیاسی اہداف کے لیے ان مقابلوں کا استعمال کر رہا ہے۔
آئرلینڈ کے 'آر ٹی وی ای' نے کہا غزہ میں اسرائیلی ریاست کے ہاتھوں ہونے والی نسل کشی کے باوجود اسرائیل کی یورو ویژن مقابلوں میں شرکت اور موجودگی میں ہماری مقابلوں میں شرکت غیر معقول ہوگی۔
نیدرلینڈز نے کہا یورو ویژن کے اگلے سال کے مقابلوں میں نیدرلینڈز کی شرکت عوامی اقدار کے ساتھ ہم آہنگ نہیں ہو سکتی اور عوامی اقدار ہماری بنیاد ہیں۔
خیال رہے بیلجیئم ، فن لینڈ اور سویڈن سمیت دیگر ممبران نے کہا ہے کہ وہ غزہ کی صورتحال کے باعث مقابلوں کے بائیکاٹ پر غور کر رہے ہیں۔
دوسری جانب ووٹنگ کے بعد اسرائیلی صدر اضحاک ہرزوگ نے یورپی براڈکاسٹنگ یونین کے فیصلے کا خیر مقدم کیا اور کہا ان کا ملک دنیا بھر میں نمائندگی کا حق رکھتا ہے۔
