چیک حکومت نے ڈپریشن کے علاج کے لیے سائلسائبن (Psilocybin)کے استعمال کو قانونی قراردے دیا

چیک حکومت نے اپنی میعاد ختم ہونے سے قبل بدھ کے روز جادوئی مشروم سے حاصل شدہ سائلسائبن(Psilocybin) کو 2026 سے طبی مقاصد کے لیے استعمال کرنے کی منظوری دے دی ہے۔حال ہی میں کئی ممالک نے ماہرین نفسیات کو اس قدرتی مرکب کے استعمال کی اجازت دی ہے، جن میں اس سال نیوزی لینڈ بھی شامل ہے۔

چیک پارلیمنٹ نے مئی میں سائلسائبن(Psilocybin) کے استعمال کو قانون میں شامل کیا، جس میں ماریاوانا کی ملکیت پر سزا کو کم کرنے کی ترامیم بھی شامل تھیں۔

حکومتی فیصلے کے تحت ڈاکٹر اور ماہرین نفسیات سائلسائبن(Psilocybin) تجویز کر سکتے ہیں، بشرطیکہ یہ ثابت ہو کہ رجسٹر شدہ ادویات کا علاج مؤثر نہیں یا مریض انہیں برداشت نہیں کر سکتا۔

سائلسائبن(Psilocybin) کا استعمال صرف کینسر سے متعلق ڈپریشن اور شدید طبی طور پر تشخیص شدہ ڈپریشن جس میں نفسیاتی علامات نہ ہوں اور مریض کی زندگی کو خطرہ دینے والی ذہنی حالت میں کمی کے لیے اجازت ہے۔

چیک وزیر صحت فلاستیمیل وایلک(Vlastimil Válek)نے اس فیصلے کو سراہا اور کہا کہ یہ چیک صحت کے نظام، ماہرین اور مریضوں کے لیے فائدہ مند ہے۔

رحمتی استعمال کا پروگرام

حالیہ برسوں میں منشیات جیسے سائلسائبن کی علاج کے امکانات نے سائنسدانوں میں دوبارہ دلچسپی پیدا کی ہے تاکہ ڈپریشن اور نشے کے علاج کے لیے نئے طریقے تلاش کیے جا سکیں۔

نيوزی لینڈ نے جون میں ڈپریشن کے علاج کے لیے سائلسائبن کے استعمال کی اجازت دی جبکہ جولائی میں جرمنی نے دو کلینکس کو "رحمتی استعمال کے پروگرام" کے تحت سائلسائبن استعمال کرنے کی اجازت دی تھی، جو یورپی یونین میں اس نوعیت کا پہلا پروگرام ہے۔

چیک ڈاکٹروں کو 2015 سے طبی بھنگ تجویز کرنے کی بھی اجازت ہے اور 2020 سے عام صحت بیمہ اسے کور کرتا ہے۔جادوئی مشروم ایک قدرتی مشروم ہے جو جنگلات اور چراگاہوں میں نمی والی جگہوں پر اگتا ہے۔

چیک کی وسط دائیں بازو کی کوائنسٹی حکومت جس کی قیادت دائیں بازو کے پیٹر ویالا کر رہے تھے، انھوں نے بدھ کو اپنا آخری اجلاس منعقد کیا۔ ان کی جگہ اگلے ہفتے پیر کو ارب پتی آندرے بابیش کی قیادت میں نئی اتحادی حکومت حلف لے گی، جو اکتوبر میں ہونے والے انتخابات کے بعد تشکیل دی گئی ہے