سی بی ایس نیوز نے جمعہ کو بتایا کہ تہران کی بدنام زمانہ جیل میں 10 سال قید کی سزا پانے والے ایک ایرانی امریکی-صحافی نے واشنگٹن سے مطالبہ کیا ہے کہ وہ انہیں اور دیگر امریکی قیدیوں کو طبی امداد فراہم کرے۔
ایرانی اور امریکی دوہری کی شہریت کے حامل رضا ولی زادہ جو امریکی امداد سے چلنے والے فارسی زبان کے ریڈیو چینل فردا کے لیے کام کرتے تھے، ان کے وکیل کے مطابق وہ ایک ایران مخالف حکومت کے ساتھ تعاون کرنے کے الزام میں جیل میں ہیں۔
سی بی ایس نیوز کا حاصل کردہ صحافی کا ایک صوتی پیغام ایک متزلزل اور نازک جنگ بندی کے درمیان سامنے آیا ہے جب تہران اور واشنگٹن کے درمیان سست رفتار مذاکرات جاری ہیں۔
ولی زادہ نے دو منٹ کی آڈیو ریکارڈنگ میں کہا ہے کہ وہ اور تہران کی ایون جیل میں قید تین دیگر امریکی قیدی بیمار ہیں اور انہیں علاج سے محروم رکھا جا رہا ہے۔
"جبکہ ہم چاروں مختلف بیماریوں میں مبتلا ہیں اور حقیقی طبی خدمات سے محروم ہیں تو امریکی حکومت کم از کم ایرانی ملاحوں کی رہائی کے بدلے ہمارے لیے حقیقی طبی خدمات کا مطالبہ کر سکتی تھی۔"
نیز کہا، "اگرچہ ہماری بیماریوں کا علاج ایک بڑا مطالبہ ہے تو وہ کم از کم ایرانی حکام سے یہ تو کہہ سکتی تھی کہ وہ قید میں ہمارے خلاف تمام جسمانی دباؤ اور ذہنی اذیتیں نہ سہی لیکن کم از کم ان میں سے کچھ کو کم کر دیں۔"
اے ایف پی اس ریکارڈنگ کی صداقت کی تصدیق نہیں کر سکی۔ سی بی ایس نیوز نے کہا کہ یہ ریکارڈنگ حالیہ تھی اور ایرانی حکام کی جانب سے گذشتہ ہفتے جنگ کے وقت مواصلاتی پابندیوں میں نرمی کے بعد کی گئی تھی۔
ولی زادہ کے وکیل ریان فیہی نے سی بی ایس نیوز کو بتایا کہ ولی زادہ مسلسل کھانسی، کمر درد اور دانتوں کے مسائل میں مبتلا تھے۔
گذشتہ سال جون میں ایک اسرائیلی حملے میں جیل کے بعض حصوں کو نقصان پہنچا تھا جس کا حوالہ دیتے ہوئے فیہی نے کہا، "وہ جیل پر ایک فضائی حملے میں بچ گئے، وہ قید تک سے بچ گئے۔"
امریکہ نے 2024 میں کہا تھا کہ وہ ولی زادہ کی حراست سے آگاہ تھا اور ایران سے اسے رہا کرنے کا مطالبہ کیا۔
انسانی حقوق کے گروپوں نے ایران کی جیلوں کے حالات کی مذمت کی ہے جہاں قیدی زیادہ تعداد اور خوراک، پانی، حفظانِ صحت کے سامان، ادویات اور طبی نگہداشت کی قلت کا شکار ہیں۔
