لیونل میسی نے ورلڈ کپ میں 20واں گول کر دیا
لیونل میسی کے گول کرنے کا سلسلہ جاری ہے اور انہوں نے اسے بظاہر آسان بنا دیا ہے۔
ان کی مسلسل دوسرا ورلڈ کپ ٹائٹل جیتنے کی امیدیں بھی قائم رہیں - اور یہ کامیابی کوئی سادہ اور آسان نہیں تھی۔
میسی کا 29 ویں منٹ میں ہونے والا گول ان کے ورلڈ کپ کیریئر کا 20 واں گول تھا جس سے ان کے ریکارڈ بہتر ہوا اور وہ آل ٹائم لسٹ میں فرانس کے کیلین ایمباپے سے دو گول آگے بڑھ گئے۔ یہ ایک پرجوش اور جنون انگیز شب کا آغاز تھا جب ارجنٹائن نے اضافی وقت میں ایک چھپے رستم کیپ وردے کے خلاف دو-تین سے فتح حاصل کی۔
کیپ وردے کے ایک کھلاڑی کے ساتھ تصادم کے دوران انہیں بظاہر گھٹنا لگ گیا جس کے بعد میڈیا کانفرنس میں میسی کے سر پر ایک بڑا ابھار نظر آیا۔
"یہ تھوڑا تکلیف دہ ہے لیکن میں ٹھیک ہوں،" انہوں نے دائیں آنکھ پر انڈے جیسے نشان کے بارے میں بتایا جس کا ہسپانوی سے ترجمہ کردہ تبصروں میں ذکر کیا گیا۔
فیفا کی ایکس پر پوسٹ میں ان کے ماتھے پر ایک واضح ابھار تھا۔
میسی میچ کے بعد پرسکون نظر آئے اور کیپ وردے کے دفاع کی تعریف کی۔ ان کے پاس اب مسلسل آٹھ ورلڈ کپ گیمز میں گول کرنے کا ریکارڈ ہے جو ارجنٹائن کو 2022 کے بعد دوبارہ ٹائٹل دلوانے کے لیے پرعزم ہیں۔
"ہم نے اچھی چیزیں کیں اور ہمیں بری چیزوں کو درست کرنا ہو گا۔" میسی نے اپنی مقامی ہسپانوی زبان میں کہا۔
میسی کے اس ورلڈ کپ میں سات گول ہیں، ایمباپے سے ایک گول زیادہ اور ٹورنامنٹ کے ٹاپ سکورر کے طور پر وہ گولڈن بوٹ کی دوڑ میں شامل ہیں- اور انہوں نے ورلڈ کپ کے آٹھ میچز کے دوران 12 بار سکور کیا ہے۔ وہ بہت اچھا کھیل رہے ہیں اور ارجنٹائن کو ان کے اچھے کھیل کی ضرورت ہے۔
ارجنٹائن اور انٹر میامی میں میسی کے ساتھی روڈریگو ڈی پال نے کہا، "میرے لیے ان کے ساتھ دوستی بہت معنی رکھتی ہے۔ میرے لیے دوستی ایک اہم ترین چیز ہے جو ہم سب کے پاس ہوتی ہے اور میں سمجھتا ہوں کہ ان لمحات میں ان کے ساتھ ہونا میری خوش قسمتی ہے۔"
اور ایسے لمحات کی کوئی کمی نہیں ہے۔
میسی کو جمعے کو میچ کے 15ویں منٹ میں کھیل کا پہلا اچھا موقع ملا لیکن گول نہ ہو سکا۔ انہیں تین منٹ بعد 25 گز کی فری کک ملی جسے کیپ وردے کے گول کیپر ووزینیا نے بآسانی روک لیا۔
لیکن بازی پلٹ رہی تھی اور کچھ ہی دیر میں میسی نے ایک-صفر کی برتری حاصل کر لی۔ انہوں نے قریبی فاسلے سے ووزینیا کے بائیں کندھے پر سے گیند کو جال میں پہنچا کر اپنے کریئر کا 124واں بین الاقوامی گول کر دیا۔ صرف پرتگال کے کرسٹیانو رونالڈو کے 146 گول ان سے زیادہ ہیں۔
میسی نے اپنے بازو پھیلائے اور مارٹینز کی طرف اشارہ کیا۔ پھر ٹیم کے ساتھی جشن منانے کے لیے ان پر ٹوٹ پڑے۔
ارجنٹائن ایک بہت بڑا فیورٹ تھا اور میسی کے گول سے لگا کہ سکورنگ کا سلسلہ شروع ہونے والا تھا۔
لیکن ایسا نہیں ہوا۔
کیپ وردے نے گول کرکے گیم کو ایک-ایک اور دو-دو سے برابر کر دیا اور پھر میسی نے اضافی وقت کے دوسرے ہاف میں کارنر کِک کے ساتھ حتمی گول کر کے فتح حاصل کی۔
"جیسا کہ اس ٹیم نے کئی بار مظاہرہ کیا ہے اور جیسا کہ میں نے کئی بار کہا ہے، یہ مقابلہ کرتی ہے اور ہم نے آخر تک مقابلہ کیا،" میسی نے کہا۔
"ہماری ٹیم نے میچ جیتنے کے لیے ہر ممکن کوشش کی،" کیپ وردے کے گول کیپر ووزینیا نے کہا۔
گولڈن بوٹ کی دوڑ ختم بھی ہو سکتی ہے کیونکہ چاروں بڑے کھلاڑی اب محفوظ طریقے سے راؤنڈ آف 16 میں پہنچ گئے ہیں۔
ناروے، انگلینڈ اور فرانس راؤنڈ آف 16 میں پہنچ گئے ہیں۔
میسی نے کبھی گولڈن بوٹ نہیں جیتا ہے۔ وہ 2022 میں سات گول کے ساتھ دوسرے نمبر پر رہے جب ارجنٹائن نے ورلڈ کپ ٹائٹل جیتا اور 2014 میں چار گول کے ساتھ تیسرے نمبر پر رہے۔
اگر ٹورنامنٹ کے اختتام پر گول کی فہرست میں دو کھلاڑی برابر ہں تو فیفا پہلے ٹائی بریکر کے طور پر اسسٹس کا استعمال کرے گا اور دوسرے ٹائی بریکر کے طور پر کھیلے جانے والے کم ترین منٹ کا۔ اس لحاظ سے جمعے تک ایمباپے کو میسی پر برتری حاصل ہوتی۔
لیکن فی الحال میسی گول کرنے کی دوڑ میں سب سے آگے ہیں۔ اہم ترین بات یہ ہے کہ وہ اب بھی ایک اور ورلڈ کپ ٹائٹل کی دوڑ میں ہیں۔
ارجنٹائن کے کوچ لیونل سکالونی نے کہا، "امید ہے کہ آپ اب سمجھ گئے ہوں گے کہ کوئی حریف آسان نہیں ہے۔"
