فلسطینی زخموں پر مرہم، شاہ عبداللہ کے 50 ملین ڈالر

خطیر رقم فلسطینی ہلال احمر کے حوالے کی جا رہی ہے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی فرمانروا شاہ عبداللہ بن عبدالعزیز نے غزہ پر جاری اسرائیلی بمباری سے پیدا ہونے والے انسانی المیے سے نمٹنے کے لیے پچاس ملین ڈالر کی خطیر رقم غزہ میں فلسطینی ہلال احمر کو پیش کرنے کا حکم جاری کیا ہے۔

سعودی عرب کے سرکاری خبر رساں ادارے کے مطابق اس شاہی فرمان پر عمل کرنے کی سعودی وزیر خزانہ ڈاکٹر ابراہیم بن عبدالعزیز نے اپنے ایک بیان میں تصدیق کی ہے۔ وزیر خزانہ کے بیان کے مطابق شاہ عبداللہ کے حکم کی تعمیل کرتے ہوئے 200 ملین سعودی ریال فلسینی ہلال احمر کو ادا کیے جائیں گے۔

اس اعلان کردہ رقم سے فلسطینی زخمیوں اور بمباری سے بے گھر ہونے والے افراد کی علاج معالجے ، خوراک اور رہائش کی فوری ضروریات پوری کرنے کی کوشش کی جائےگی۔

واضح رہے منگل کے روز سے اسرائیل کی شروع کی گئی جنگی کارروائی کے نتیجے میں اب تک دو سو کے قریب فلسطینی شہید جبکہ ایک ہزار سے زائد زخمی ہو چکے ہیں۔ جبکہ بمباری سے بےگھر ہونے والوں کی تعداد بھی ہزاروں میں ہے۔

اسرائیل نے فضائِیہ کے ذریعے مسلسل بمباری کرنے کے علاوہ اب زمینی فوجی دستوں کو بھی غزہ کے فلسطینیوں پر حملے کرنے کے لیے میدان میں اتار دیا ہے۔

مقبول خبریں اہم خبریں

مقبول خبریں