برج الخلیفہ میں سحرو افطار کے تین مختلف اوقات

متحدہ عرب امارات کے سیاحتی شہر دبئی میں قائم دنیا کی بلند ترین عمارت برج الخلیفہ کی دیگر امتیازی خصوصیات میں ماہ صیام میں اس میں سحر وافطار کے تین مختلف اوقاف بھی شامل ہیں۔

العربیہ ڈاٹ نیٹ کے مطابق برج الخلیفہ کی زیریں منازل میں سحرو افطار کا وقت درمیانی اور بالائی منازل سے مختلف ہے۔ نچلی منزل میں اختتام سحر اور افطار بالائی منزلوں کی نسبت چند منٹ پہلے ہوتا ہے۔

اماراتی عالم دین اور مفتی اعظم احمد عبدالعزیز الحداد کا کہنا ہے کہ برج الخلیفہ کی اونچائی کی وجہ سے اس کی مختلف منازل میں نمازپنجگانہ کے اوقات بھی مختلف ہوتے ہیں۔ بالائی منزلوں پر موجود شہری تاخیر سے روزہ افطار کرتے اور تاخیر سے اختتام سحر کرتے ہیں جب کہ ان کی نسبت نچلی منازل میں موجود افراد سحرو افطار میں جلدی کرتے ہیں۔ الحداد کا کہنا ہے کہ روزہ افطار کرنے کے لیے سورج کا غروب ہونا بنیادی شرط ہے اور بالائی منزلوں میں مقیم روزہ دار سورج غروب ہونے کا انتظار کریں گے۔

خیال رہے کہ برج الخلیفہ دنیا کی بلند ترین عمارت قرار دی جاتی ہے۔ اس کی کل 163 منزلیں ہیں اور اس کی اونچائی قریبا 30 ہزار فٹ کے لگ بھگ ہے۔