روس اور ایران کے ساتھ مفاہمت پہلے سے کہیں زیادہ ہے : حزب اللہ

لبنانی ملیشیا حزب اللہ کے سکریٹری جنرل حسن نصر اللہ کا کہنا ہے کہ ماسکو ، تہران اور حزب اللہ کے درمیان موجودہ ہم آہنگی اور مفاہمت پہلے سے کہیں زیادہ ہے۔

اپنے ایک خطاب میں نصر اللہ نے کہا کہ شام ایک نئے حساس مرحلے میں داخل ہو رہا ہے۔

حزب اللہ کے سکریٹری جنرل نے واضح کیا کہ اس کی ملیشیا لبنانی سرحد کے شمال مشرق سے سنی جنگجوؤں کو نکالنے کے حوالے سے کسی بھی معاہدے کی ضمانت کے لیے تیار ہے۔

نصر اللہ کے مطابق شیعہ جماعتوں نے شام کے ساتھ لبنان کی مشرقی سرحد پر اپنے تمام ٹھکانوں کو ختم کر دیا ہے اور اب یہ علاقہ ریاست کی ذمے داری میں آ چکا ہے۔