.

سیناء میں جنگجوؤں کے خلاف کارروائی میں تین مصری فوجی مارے گئے

پہلی اشاعت: آخری اپ ڈیٹ:

مصر کے شورش زدہ علاقے سیناء میں جنگجوؤں کے خلاف کارروائی میں ایک افسر سمیت تین فوجی مارے گئے ہیں۔

جزیرہ نما سیناء اور دوسرے علاقوں میں 9 فروری کوداعش اور دوسرے گروپوں سے وابستہ جنگجوؤں کے خلاف بڑی کارروائی کے آغاز کے بعد سے مصری فوج کی پہلی مرتبہ یہ ہلاکتیں ہوئی ہیں۔

مسلح افواج کے ترجمان تامر الرفاعی نے سوموار کے روز ایک بیان میں بتایا ہے کہ جنگجوؤں کے خلاف لڑائی میں دو اور فوجی افسر اور ایک رنگروٹ زخمی ہوگیا ہے اور جھڑپوں میں چار مشتبہ جنگجو ؤں کو ہلاک کر دیا گیا۔

مصر کی مسلح افواج سیناء کے وسطی اور شمالی علاقے ، نیل ڈیلٹا کے علاقوں اور لیبیا کی سرحد کے ساتھ واقع مغربی صحرا میں جنگجوؤں کے خلاف یہ آپریشن کررہی ہیں ۔اس میں برّی ، بحری اور فضائی افواج شریک ہیں ۔

آرمی کا یہ دعویٰ ہے کہ اس نے اب تک دسیوں جنگجوؤں کو ہلاک اور ان کے سیکڑوں ٹھکانوں کو تباہ کردیا ہے۔تاہم اس کے ان اعداد وشمار کی آزاد ذرائع سے تصدیق ممکن نہیں ہے کیونکہ مصری فوج نے آپریشن والے علاقوں میں صحافیوں کے داخلے پر پابندی عاید کررکھی ہے۔