.

وڈیو : دو نوجوانوں کی دبئی واٹر کینال کے پُل پر سے پانی میں چھلانگ

پہلی اشاعت: آخری اپ ڈیٹ:

سوشل میڈیا پر پیر کے روز ایک وڈیو گردش میں آئی ہے جس میں دو نوجوانوں کو کرتب دکھاتے ہوئے انتہائی خطرناک طریقے سے دبئی واٹر کینال کے پُل پر سے چھلانگ لگاتے ہوئے دکھایا گیا ہے۔

پانی میں چھلانگ لگانے والے دو نوجوانوں میں سے ایک نے امارات کا مقامی لباس پہن رکھا تھا۔

وڈیو کے پھیلنے کے بعد دبئی پولیس دونوں نوجوانوں کی تلاش کے سلسلے میں حرکت میں آ گئی۔ دبئی پولیس کے سربراہ بریگیڈیئر جنرل عبداللہ خلیفہ المری نے ان دونوں نوجوانوں کے خلاف قانونی اقدامات کی ہدایت کی جنہوں نے اس حرکت سے اپنی زندگی اور سلامتی کو خطرے میں ڈالا۔

دبئی پولیس نے واٹر کینال کے پُل پر سے چھلانگ کے واقعے میں 3 نوجوانوں کو حراست میں لیا ہے۔