خواتین کو ہراساں کرنے میں ملوث غیرملکی مدینہ منورہ سے گرفتار

مدینہ منورہ گورنری کی طرف سے ہفتے کے روز جاری ایک بیان میں کہا گیا ہے کہ ایک تجارتی مرکز میں خواتین کو ہراساں کرنے میں ملوث غیرملکی کو حراست میں لے لیا گیا ہے۔

العربیہ ڈاٹ نیٹ کے مطابق پولیس کا کہنا ہے کہ ملزم کی نشاندہی کے بعد مدینہ منورہ میں ایک مکان پر چھاپہ مار کر ملزم کوحراست میں لے لیا گیا جس کے بعد اسے تفتیش کے لیے متعلقہ حکام کے حوالے کردیا گیا۔

سعودی عرب کی وزارت برائے سماجی بہبود کی مدینہ منورہ برانچ کے ڈائریکٹر تعلقات عامہ احمد السنائی نے بتایا کہ حال ہی میں سوشل میڈیا پر ایک فوٹیج وائرل ہوئی تھی جس میں ایک شخص کو شاپنگ مرکز میں خواتین کو ہراساں کرتے دیکھا جاسکتا ہے۔ اس مرکز کی نشاندہی کے بعد ملزم کی نشاندہی کی گئی اور اسے حراست میں لے لیا گیا ہے۔

قبل ازیں سعودی عرب کے پراسیکیوٹر جنرل الشیخ سعود بن عبداللہ المعجب نے خواتین کو ہراساں کرنے والے شخص کو فوری طورپر گرفتار کرنے کا حکم دیا تھا۔