لبنان: سمیر جعجع کی جماعت کا ’’غیر منصفانہ حصے‘‘ کے باوجود حکومت میں شمولیت کا اعلان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

لبنان کے مسیحی لیڈر سمیر جعجع کے زیرقیادت لبنانی فورسز پارٹی نے کابینہ میں غیر منصفانہ حصہ ملنے کے باوجود قومی اتحاد کی نئی حکومت میں شمولیت کا اعلان کیا ہے۔

سمیر جعجع نے سوموار کو ایک نشری نیوز کانفرنس میں کہا ہے کہ ’’ حکومت میں ہم زیادہ مفید ثابت ہوسکتے ہیں‘‘۔البتہ ان کا کہنا ہے کہ ان کی جماعت کو کابینہ کے جن عہدوں کی پیش کش کی گئی ہے، وہ ’’ناانصافی‘‘ کی غمازی کرتے ہیں۔

نامزد وزیر اعظم سعد الحریری کے زیر قیادت نئی کابینہ میں شامل لبنانی فورسز اور صدر میشال عون کی جماعت فری پیٹریاٹک موومنٹ کے درمیان مختلف عہدوں کی تقسیم پر اختلافات پائے جاتے تھے اور اسی وجہ سے قومی اتحاد کی نئی حکومت کی تشکیل میں تاخیر ہورہی تھی۔اب سمیر جعجع کے ملنے والی وزارتوں پر اظہارِ رضامندی کے بعد یہ بڑی رکاوٹ دور ہوگئی ہے۔

مقبول خبریں اہم خبریں

مقبول خبریں