'جسے اللہ رکھے اسے کون چکھے'، ٹرک اوپر سے گذرگیا مگر خاتون مکمل محفوظ

'جسے اللہ رکھے اسے کون چکھے' کی کہاوت حقیقت کی دنیا میں کبھی کبھار ہی صادق آتی ہے۔ اس کہاوت کا ایک زندہ ثبوت حال ہی میں سوشل میڈیا پر وائرل ہونے والی فوٹیج میں دیکھا جا سکتا ہے جب ایک مصروف شاہراہ پر سکوٹی سوار خاتون ٹرک کی ٹکر سے گرنےاور ٹرک کے اوپر سے گذر جانے کے باوجود زندہ بچ گئی۔

یہ فوٹیج اس وقت سماجی رابطوں کی بیشتر ویب سائیٹس پر موجود ہے جس میں زندگی اور موت کے کھیل کو دیکھا جا سکتا ہے کہ سکوٹی سوار خاتون اپنی سواری سمیت گر پڑی۔ اس کے بعد ٹرک اس کے اوپر سے گذر گیا۔ ٹرک گذرنے کے بعد خاتون اٹھ کر بیٹھ گئی۔

اس فوٹیج کی جگہ اور وقت کا تعین نہیں کیا جا سکا مگراس نے اس کہاوت کو سچ کر دکھایا کہ ’’جسے اللہ نہ مارنا چاہے دنیا کی کوئی طاقت اس سے زندگی نہیں چھین سکتی۔‘‘