بحرینی فرمانروا کا سعودی قیادت سے رابطہ،ارامکو تنصیبات پرحملوں کی مذمت

خلیجی ریاست بحرین کے فرمانروا شاہ حمد بن عیسیٰ آل خلیفہ نے سعودی فرمانروا شاہ سلمان بن عبدالعزیز آل سعود اور ولی عہد شہزادہ محمد بن سلمان سے بات چیت میں ہفتے کے روز ارامکو کمپنی کی تیل تنصیبات پرحملوں کی شدید مذمت کی۔

العربیہ ڈاٹ نیٹ کے مطابق بحرینی فرمانروا شاہ حمد بن عیسٰی آل خلیفہ نے خادم الحرمین الشریفین شاہ سلمان بن عبدالعزیز کو ٹیلیفون کرکے انہیں اپنے ہرممکن تعاون کا یقین دلایا۔ دونوں رہ نمائوں کے درمیان خطے کی سلامتی اور ارامکو حملوں کے بعد پیدا ہونےو الی صورت حال کا جائزہ لیا گیا۔

بحرین کے فرمانروا شاہ حمد نے سعودی عرب کے ولی عہد شہزاد محمد بن سلمان سے بھی ٹیلیفون تبادلہ خیا کیا۔ انہوں نے ارامکوحملوں کی شدید الفاظ میں مذمت کی اور اپنی طرف سے سعودی عرب کو ہرممکن تعاون کو یقین دلایا۔