.

یمنی فوج کے حملے میں حوثیوں کا قافلہ تباہ، فیلڈ کمانڈر سمیت متعدد جنگجو ہلاک

پہلی اشاعت: آخری اپ ڈیٹ:

یمن کی آئینی فوج نے جمعرات کے روز ایرانی حمایت یافتہ حوثی ملیشیا کے ایک قافلے کو حملے میں تباہ کرنے اور شدت پسند گروپ نے فیلڈ کمانڈر سمیت متعدد جنگجوئوں کو ہلاک کرنے کا دعویٰ کیا ہے۔

یمنی فوج کی طرف سے جاری ایک بیان میں کہا گیا ہے کہ حوثی باغیوں کے کانوائے پرحملہ صعدی گورنری کی باقم ڈاریکٹوریٹ میں کیا گیا۔ یہ گورنری حوثی ملیشیا کا گڑھ سمجھی جاتی ہے۔

ازال محاذ کے کمانڈر بریگیڈیئر جنرل کنعان الاحصب نے بتایا کہ حوثی باغیوں کا ایک قافلہ جبل عواع اور وادی ثعبان میں درندازی کی کوشش کررہا تھا۔ اس دوران سرکاری فوج نے اس پرحملہ کرکے اسے مکمل طور پرتباہ کردیا۔

یمن کی سرکاری نیوز ایجنسی کے مطابق الاحصب نے بتایا کہ اس کارروائی کے نتیجے میں حوثی ملیشیا کے متعدد عناصر ہلاک اور زخمی ہوگئے ، جن میں ، "منبہ 2" کے نام سے جاری آپریشن کا انچارج اورسینیر فیلڈ کمانڈر بھی شامل ہے۔