انسانی ہمدردی کے جذبات سے سرشار حاکم دبئی الشیخ محمد بن راشد آلمکتوم کل بدھ کے روز امدادی ٹیموں سے قبل دبئی میں سائیکل ریسنگ چیمپین شپ میں شرکت کے دوران زخمی ہونے والے ایک لڑکی کی مدد کو پہنچ گئے۔
تفصیلات کے مطابق الوثبہ ٹیم کی طرف سے سائیکل ریسنگ میں حصہ لینے والی اماراتی لڑکی عنان العامری ریسنگ کے دوران معمولی حادثے کا شکار ہوئیں۔ حادثہ ہوتے ہی حاکم دبئی اس کی مدد کو پہنچ گئے۔ الشیخ محمد بن راشد آل مکتوم نے عنان کو اٹھنے میں مدد کی اور اس کے بعد اسے فوری طبی امداد فراہم کی گئی۔
بروح الأب والإنسان .. #محمد_بن_راشد يسارع إلى مساعدة المتسابقة المواطنة عنان العامري من فريق الوثبة بعد سقوطها عن دراجتها أثناء مشاركتها في منافسات بطولة السلم للدراجات الهوائية#صحيفة_الخليج pic.twitter.com/SOZsBx38VA
— صحيفة الخليج (@alkhaleej) January 15, 2020
اس موقعے پربنائی گئی تصاویر اور ویڈیوز سوشل میڈیا پر جنگل کی آگ کی طرح پھیل گئیں اور لوگوں نےالشیخ محمد بن راشد آل مکتوم کے جذبہ خدمت خلق کو بے حد سراہا ہے۔
خیال رہے کہ سائیکل ریسنگ مقابلہ المرموم نیچرل ریزرو میں منعقد کیا گیا جس میں مقابلے میں حصہ لینے والے افراد کو 50 کلو میٹر کی مسافت طے کرنا تھی۔
