سعودی فن کار جس نے مصوری کا منفرد انداز اپنایا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

شوخ رنگوں کے ساتھ اپنے افکار اور خیالات کو منفرد اسلوب میں فن پاروں کی صورت دینے والے سعودی مصور 'عبدالعزیز آل عبدالعزیز' نے عالمی سطح پر اپنی پہچان پیدا کرنا شروع کر دی ہے۔

انہوں نے بچپن سے ہی مصوری کا آغاز کر دیا تھا۔ ابتدا میں وہ تصویر کشی اور گرافک ڈیزائننگ میں مصروف رہے۔ بعد ازاں تجربات کے طویل سفر سے گزرتے ہوئے عبدالعزیز فنون لطیفہ پر جا کر ٹھہر گئے۔ انہوں نے فن پاروں کی متعدد نمائشوں میں شرکت کی۔ وہ چہروں اور شخصیات کی مصوری میں اپنا خصوصی انداز رکھتے ہیں۔

عبدالعزیز کہتے ہیں کہ "امریکا میں تعلیم کے دوران میں نے فوٹوگرافی کا شوق پورا کیا اور اس دوران معروف ماڈلز کے ساتھ کام کیا۔ فوٹوگرافی نے مجھے سکھایا کہ روشنی اور سائے کے ساتھ کس طرح معاملہ کرنا ہوتا ہے۔ اس نے مجھے سکھایا کہ میں قدرتی جمالیات کو کیمرے کی آنکھ میں محفوظ کرنے کے ذریعے کس طرح سے مایوسی اور رنجیدگی سے نمٹ سکتا ہوں"۔

Saudi Artist work

عبدالعزیز کے مطابق انہوں نے فن کے ہر اسکول سے اہم اور خوب صورت چیز لینے کی کوشش کی تا کہ ایسے فن کے حامل بنیں جو ان کی شخصیت کو امتیازی صورت میں پیش کرے۔

Saudi Artist work

العربیہ سے گفتگو کرتے ہوئے عبدالعزیز کا کہنا تھا کہ "بحیثیت سعودی فن کار میری خواہش ہے کہ اپنے فن پاروں کے ذریعے سعودی عرب کی ثقافت کو نمایاں کروں اور اسے نوجوانوں کی نظر سے دنیا کے سامنے پیش کروں۔ اس سلسلے میں مجھے گھر والوں ، دوستوں اور معاشرے سے بھرپور سپورٹ ملی ہے۔ اسی طرح سوشل میڈیا کے ذریعے بھی مجھے حوصلہ افزائی کے تاثرات موصول ہوئے ہیں"۔

Saudi Artist work

عبدالعزیز نے واضح کیا کہ انہوں نے ایک مختلف طریقے سے اپنی مصوری کو پیش کیا ہے اور دیگر فن کاروں کے کام کو دہرانے سے اجتناب کیا ہے۔ عبدالعزیز کے مطابق انہوں نے اب تک کسی مقابلے میں شرکت نہیں کی اس لیے کہ وہ خود کو کسی دوڑ میں شامل نہیں کرنا چاہتے ہیں۔

Saudi Artist work

سعودی مصور نے مزید کہا کہ انسان کو چاہیے کہ وہ اپنے پیغام اور فن کے اسلوب کو ترقی سے کر خود کو چیلنج کرے ،،، ساتھ ہی اپنی ذات اور ذاویے کی تجدید کرے تا کہ دنیا کے سامنے نیا کام پیش کر سکے۔ عبدالعزیز کے مطابق ان کا خواب ہے کہ عالمی فورمز پر اپنے ملک کی نمائندگی کریں اور سعودی جونوجوانوں کے لیے ایک نمونہ بنیں

مقبول خبریں اہم خبریں