.

سعودی عرب میں غیرمجازاسٹوروں سے فارماسیوٹیکل کی دو لاکھ مصنوعات ضبط

پہلی اشاعت: آخری اپ ڈیٹ:

سعودی عرب میں فوڈ اینڈ ڈرگ اتھارٹی نے ریاض اور قصیم کے علاقوں میں اسٹوریج اور ڈسٹری بیوشن کی سرگرمیوں کے لیے قائم دو غیر مجاز مراکز پر چھاپہ مار کربغیر لائسنس کے فروخت کی جانے والی 196،000 سے زیادہ فارما سیوٹیکل اور کاسمیٹک مصنوعات ضبط کی ہیں۔

اتھارٹی نے بتایا کہ اس نے الریاض میں ایک تجارتی مرکز میں کاسمیٹک کی غیر معیاری 184،500 کاسمیٹک مصنوعات ضبط کیں۔ لائسنس نہ ہونے پر گوداموں کو سیل کردیا گیا۔

لائسنس حاصل کرنے سے قبل دواسازی کی مصنوعات کو ذخیرہ کرنے اور تقسیم کرنے کی سرگرمی میں مصروف بریدہ میں بغیر لائسنس کی ایک گودام سے 11،650 ادویات پکڑی گئیں۔

فوڈ اینڈ ڈرگ اتھارٹی اپنی نگرانی کے تحت تجارتی مراکز پر مصنوعات کے معیار کو یقینی بنانے کے لیے مہمات جاری رکھے ہوئے ہے۔ ان مہمات کا مقصد غیرمعیاری مصنوعات اور غیر مجاز گوداموں کے خلاف کارروائی کرکےشہریوں کو معیاری اشیا کی فراہمی کو یقینی بنانا ہے۔