.

سعودی عرب کا دہشت گردی کے انسداد اور باہمی بقاء کے لیے عالمی یک جہتی پر زور

پہلی اشاعت: آخری اپ ڈیٹ:

سعودی فرماں روا شاہ سلمان بن عبدالعزیز نے کہا ہے کہ سعودی عرب دہشت گردی کے انسداد اور مشترکہ باہمی بقاء کے بنیادی اصولوں کو اپنانے کے لیے عالمی یک جہتی اور یگانگت پر زور دیتا ہے۔

شاہ سلمان کا یہ بیان مکہ مکرمہ کے گورنر شہزادہ خالد الفیصل کے خطاب میں سامنے آیا جو انہوں نے سعودی فرماں روا کی طرف سے کیا۔ شاہ سلمان نے مزید کہا کہ " ہم مختلف مذاہب اور تہذیبوں کے بیچ اتفاق مضبوط بنانے اور انسانی اقدار کو راسخ کرنے کی کوشش کر رہے ہیں"۔

سعودی فرماں روا نے عالم اسلام اور روس کے بیچ تعلق کی اہمیت کو باور کرایا۔

شاہ سلمان کا یہ خطاب جدہ میں ایک تزویراتی رؤیت کے گروپ "روس اور اسلامی دنیا" کے اجلاس کے افتتاح کے موقع پر کیا گیا۔