.
جوہری ایران

سعودی عرب اور برازیل کا ایران کو جوہری ہتھیاروں کے حصول سے روکنے پر اتفاق

پہلی اشاعت: آخری اپ ڈیٹ:

کل جمعرات کو سعودی عرب کے وزیر خارجہ شہزادہ فیصل بن فرحان نے اپنے برازیلی ہم منصب کارلوس البرٹو فرانسا کے ساتھ ملاقات میں ایران کے متنازع جوہری پروگرام اور تہران کی جانب سے جوہری ہتھیاروں کے حصول کی کوششوں کو ناکام بنانے پر تبادلہ خیال کیا۔

دونوں رہ نماؤں نے کہا کہ ان کی ملاقاتوں کا مقصد ایران کو جوہری ہتھیاروں کے حصول سے روکنے کی کوششوں کو آگے بڑھانا ہے۔ انہوں نے یمن کے بحران کے خاتمے اور جنگ کے شکار ملک میں جامع سیاسی حل تک پہنچنے کے لیے مملکت کے اقدام پر تبادلہ خیال کیا۔

سعودی پریس ایجنسی’ایس پی اے‘ کے مطابق سعودی وزیر نے جو برازیل کے دورے پر ہیں فرانسا کے ساتھ خطے اور دنیا میں سلامتی اور استحکام کے قیام، مشرق وسطیٰ کو بڑے پیمانے پر تباہی پھیلانے والے ہتھیاروں سے پاک کرنے اور دہشت گردی کے خلاف جنگ میں تعاون کے لیے برازیل کی کوششوں کا جائزہ لیا۔