سعودی عرب: انتظامی اور فوجداری مقدمات میں 641 ملزمان سے تفتیش

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں کنٹرول اینڈ اینٹی کرپشن اتھارٹی "نزاہہ" نے انتظامی اور فوجداری مقدمات میں 641 مدعا علیہان سے تفتیش شروع کی اور ماہ جمادی الاول 1443ھ کے دوران 5518 مانیٹرنگ راؤنڈز کے دوران 233 شہریوں اور رہائشیوں کو فوجداری طریقہ کار کے قانون کے مطابق گرفتار کیا۔

"نزاہہ" نے منگل کے روز ایک بیان میں کہا کہ ملزمان میں سے بعض کو ضمانت پر رہا کیا گیا تھا۔ حراست میں لیے گئے افراد رشوت خوری، اختیارات کے ناجائز استعمال، منی لانڈرنگ، عوامی پیسے کے غبن، اختیارات کے ناجائز استعمال میں ملوث تھے۔

ملزمان میں دفاع، داخلہ، نیشنل گارڈ، صحت، انصاف، میونسپل ، دیہی امور اور ہاؤسنگ کی وزارتوں کے ملازم ہیں۔ انہیں عدلیہ کے حوالے کرنے کی تیاری کے لیے باقاعدہ طریقہ کار مکمل کیا جا رہا ہے۔

سعودی عرب کے ادارہ برائے انسداد بد عنوانی نے بیان میں شہریوں پر زور دیا کہ وہ کہیں بھی ہونے والی کرپشن کی نشاندہی کریں تاکہ اس کی روک تھام کے لیے بروقت قانونی کارروائی عمل میں لائی جا سکے۔

مقبول خبریں اہم خبریں

مقبول خبریں