دمشق کے اطراف ایران نواز ملیشیاؤں کے ٹھکانوں پر اسرائیلی بم باری

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

شام میں انسانی حقوق کے نگراں گروپ المرصد کے اعلان کے مطابق جمعے کے روز دارالحکومت دمشق پے درپے دھماکوں کی آواز سے لرز اٹھا۔ اسرائیل کی جانب سے دمشق کے اطراف عسکری ٹھکانوں کو بم باری کا نشانہ بنایا گیا۔ شامی فضائی دفاعی نظام نے اس کارروائی کا راستہ روکنے کی کوشش کی۔

المرصد کے مطابق اسرائیل نے دمشق کے اطراف ایران کی ملیشیاؤں کے گوداموں پر میزائلوں سے حملہ کیا۔ اس کے نتیجے میں شام کے فضائی دفاعی نظام کے 3 افسران ہلاک اور 4 افراد زخمی ہو گئے۔

المرصد نے واضح کیا کہ کارروائی میں دمشق کے اطراف علاقوں کے علاوہ دمشق کے بین الاقوامی ہوائی اڈے کو بھی نشانہ بنایا گیا۔

بعد ازاں شامی ساحل ، حماہ کے دیہی علاقے اور شام کے وسطی علاقے میں زور دار دھماکے سنے گئے۔

اسرائیل کے حملوں کے بعد دمشق کے بین الاقوامی ہوائی اڈے کے اطراف ایران کی ملیشیاؤں کے ٹھکانوں میں آگ بھڑک اٹھی۔

المرصد کے مطابق اسرائیلی بم باری میں یقینی جانی نقصان کی معلومات ہیں۔ ایمبولینس کی گاڑیوں کو نشانہ بنائے گئے مقامات کی جانب تیزی سے جاتا ہوا دیکھا گیا۔

شام کی سرکاری خبر رساں ایجنسی نے بتایا کہ شامی فضائی دفاعی نظام نے دمشق کے جنوبی دیہی علاقے کی فضاؤں میں دشمن کے متعدد میزائل مار گرائے۔

اسرائیل کا معمول رہا ہے کہ وہ شام کے اندر ایرانی ملیشیاؤں اور لبنانی حزب اللہ کے ٹھکانوں پر بم باری کا نشانہ بناتا ہے تاہم ان حملوں کی ذمے داری قبول نہیں کرتا۔

مقبول خبریں اہم خبریں

مقبول خبریں