یونان کی حدود میں ایرانی ٹینکر پر قبضہ، ایرانی بحریہ نے بھی دو یونانی ٹینکر دھر لئے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ایرانی سرکاری میڈیا نے پاسداران انقلاب کے حوالے سے بتایا کہ ایران نے خلیج فارس میں دو یونانی آئل ٹینکروں پر قبضہ کر لیا ہے۔ واضح رہے کہ اس سے قبل یونان کی حدود میں موجود ایرانی تیل کے حامل روسی ٹینکر کو امریکا نے اپنے قبضے میں لے لیا تھا ۔

ایران کی نیم سرکاری خبر رساں ایجنسی تسنیم کے مطابق پاسداران انقلاب کا کہنا ہے کہ خلیج میں موجود دو یونانی آئل ٹینکروں کو 'قانون کی خلاف ورزی' کے سبب ضبط کر لیا گیا ہے۔ ایران کی ایک دوسری خبررساں ایجنسی فارس کے مطابق ان دونوں آئل ٹینکروں کے نام Prudent Warrior اور Delta Poseidon ہیں۔

یونانی وزارت خارجہ نے اپنے ایک بیان میں ان دونوں کشتیوں کو قبضے میں لینے کی مذمت کرتے ہوئے ان کو فوری چھوڑنے کا مطالبہ کیا۔بیان میں مزید کہا گیا کہ ان دونوں کشتیوں پر قبضہ بحری قزاقی کے مترادف ہے۔

اس سے قبل جمعہ کےروز یہ خبر سامنے آئی تھی کہ تہران نے یونانی سمندری حدود میں ایرانی آئل ٹینکر پر امریکی قبضے پر یونان کے خلاف تعزیری کارروائی کرنے کا فیصلہ کیا ہے۔ اس کے علاوہ بدھ کےروز تہران نے یونانی سفارتخانے کے ناظم الامور کو طلب کر کے بھی امریکی کارروائی پر احتجاج کیا تھا۔

مقبول خبریں اہم خبریں