مختلف قومیتوں سے متعدد بین الاقوامی وفود سعودی عرب میں موجود دنیا کے سب سے بڑے نخلستان میں الاحساء کے ثقافتی اور ورثے کے عناصر کو دیکھنے کے لیے آنا شروع ہوگئے ہیں۔ سعودی ہیریٹیج اتھارٹی اور الاحسا گورنری نے الاحسا میونسپلٹی کے تعاون سے قطر میں فیفا ورلڈ کپ کے موقع پر ایک ماہ تک جاری رہنے والے ’’الاحسا نخلستان‘‘فیسٹول کا انعقاد کیا ہے۔
فیسٹول میں 6 تاریخی مقامات کو خصوصی طور پر پیش کیا جارہا ہے جسے دیکھنے کیلئے ورلڈ کپ شائقین کی بڑی تعداد نے الاحسا کا رخ کرنا شروع کردیا ہے۔
’’الاحسا نخلستان‘‘ فیسٹول کو صوبے کے اہم ترین ثقافتی مقامات سے واقفیت حاصل کرنے اور اس علاقے کے تاریخی ورثے کے متعلق آگاہی پھیلانے کیلئے ترتیب دیا گیا ہے۔ قطر میں ورلڈ کپ میں شرکت کیلئے آنے والوں کو مشرقی سعودی عرب کے قطر کے قریب اس سرحدی علاقے کی ثقافت اور ورثے اور تفریحی تقریبات میں شرکت کا موقع بھی مل رہا ہے۔
تاریخی ورثہ کی سرگرمیاں
تہوار کے آغاز میں الاحساء کے گورنر شہزادہ سعود بن طلال بن بدر نے تاریخی مرکز ھفوف کا دورہ کیا، یہاں تاریخی قیصریہ مارکیٹ، ایوانِ بیعت، امیری سکول، کوٹ باغ اور آثار قدیمہ کا ابراہیم کے محل کو پیش کیا گیا ہے۔
یہ واقعات خطے کے قدیم تاریخ کی مناسبت سے ایک منفرد ورثے کی شکل اختیار کر گئے، عمارتوں کو تھری ڈی ڈسپلے کے ساتھ روشن کیا گیا ہے، سعودی کافی کی نمائش ہے ، روایتی کھانے فروخت کرنے والے علاقے ہیں۔ ایک دلکش خاندانی ماحول میں لوک رقص کی پرفارمنس کے مناظر اور مہذب اور روایتی واقعات کے مرکب کو میوزیکل پرفارمنس کے ساتھ رنگین بنا دیا گیا ہے۔
امیری سکول نے روایتی مصنوعات بنانے کے طریقوں جیسے بشت الحساوی کی کی نمائش بھی کی ہے۔ اسی طرح روایتی فنون جیسے آرٹ کی نمائشوں کے ذریے سٹوکو نقوش پیش کئے گئے۔ تعلیمی نمائش، یومیہ تعلیمی ورکشاپس، میوزیکل پرفارمنس اور دستکاری کے مختلف گوشے اس کے علاوہ موجود ہیں۔
