وقت مطالعہ
گھنٹہ
سعودی عرب میں پولیس اور انسداد منشیات حکام نے مملکت میں دو الگ الگ مقامات میں کارروائی کرتے ہوئے منشیات کی بھاری مقدار ضبط کرنے کے ساتھ ملزمان کو گرفتار کرلیا ہے۔
عسیر میں پولیس نے ایک شخص کو 60 کلو منشیات برآمد کر کے گرفتار کر لیا۔
جدہ میں پانچ لاکھ سے زائد ایمفیٹامین گولیاں ضبط کرکے ایک شخص کو گرفتار کر لیا گیا۔
جنرل ڈائریکٹوریٹ فار نارکوٹکس کنٹرول نے جدہ گورنری میں ایک شہری کو منشیات کی ایمفیٹامین کی (556,600) گولیاں، ایک آتشیں اسلحہ اور اس کی گاڑی میں چھپائی گئی رقم قبضے میں لے کرگرفتار کیا۔
ملزم کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔
ادھرعسیر کے علاقے میں سکیورٹی رجمنٹ نے پٹرولنگ کے دوران شہری کو 60 کلو گرام منشیات قبضے میں لینے کے بعد گرفتار کیا۔ منشیات کو ایک گاڑی میں چھپایا گیا تھا۔
