مسجد نبویﷺ کی مرحلہ وار توسیع اور اس کے فن تعمیر کی نمائش زائرین کی توجہ کا مرکز

پہلی اشاعت: آخری اپ ڈیٹ:
مطالعہ موڈ چلائیں
100% Font Size

مسجد نبویﷺ کے فن تعمیرکی نمائش اور مسجد کی مرحلہ وار توسیع ان مقامات میں سے ایک ہے جو مدینہ منورہ بالخصوص مسجد نبوی ﷺ کے زائرین کے تجربے کو تقویت بخشتی ہے۔ یہ نمائش مسجد نبوی کے فن تعمیر کی تاریخ کو مختلف ادوار میں جدید ٹیکنالوجی کے ذریعے پیش کرنے میں ایک کوانٹم لیپ قرار دی جا سکتی ہے جو مسجد نبوی کے فن تعمیر کی تاریخ کے بارے میں زائرین کے تجسس کو پورا کرتی ہے۔

یہ نمائش مسجد نبوی ﷺ کے جنوب میں کل 2200 مربع میٹر کے رقبے پر محیط ہے، جس میں مسجد کے فن تعمیر کی تاریخ اوراس کی توسیع کا جائزہ پیش کیا گیا ہے۔ نمائش میں مسجد نبوی کے قیام سے لے کرآج تک آل سعود کی حکومت کے دور میں ہونے والے توسیعی مراحل کو دکھایا گیا ہے۔

زائرین نمائش میں اس پہلی مسجد نبوی کی زیارت کرسکتے ہیں جو رسول اللہ صلی اللہ علیہ وسلم اور آپ کے جلیل القدر صحابہ کرام کے ہاتھوں تعمیر ہوئی۔ اس کے بعد اس کی پہلی توسیع سات ھجری میں ہوئی۔ اس کے بعد آنےوالے ادوار میں حکومتیں مسجد نبوی کو کشادہ اور زیادہ خوبصورت بنانے کے لیے کام کرتی رہیں۔

نمائش کی تیاری میں جدید ٹیکنالوجی کا استعمال کرتے ہوئے 187 سے زیادہ انٹرایکٹو اسکرینیں نصب کی گئی ہیں جن پرمسجد نبوی ﷺ سے متعلق فن تعمیر اور معلومات پیش کی جاتی ہیں۔ زائرین کی سہولت کے لیے بصری ڈسپلے ہالز میں 35 بڑی ڈسپلے اسکرینیں لگائی گئی ہیں۔ اس کے علاوہ مسجد نبوی کے نادر نمونے بھی شامل ہیں۔

نمائش میں سلطان الاشرف قاتیبائی کا مسجد نبوی کے لیے تیار کردہ منبر بھی موجود ہے۔ یہ منبر 888 ھ میں مسجد نبوی میں لایا گیا اور ایک سو دس سال بعد 998 ھ تبدیل کیا گیا۔

نمائش کا مقصد مسجد نبوی کے تعمیراتی پہلوؤں کو اجاگر کرنا اور اس کی رازداری، حیثیت اور اس کے فن تعمیر کی خوبی پر روشنی ڈالنا ہے۔ اس کا تعلق مسجد نبوی کی تاریخ کو محفوظ کرنے اوراسے دستاویزی شکل دینا ہے۔

مقبول خبریں اہم خبریں