سعودی پبلک پراسیکیوٹر کا بچے کو ہراساں کرنے والے ملزم کی گرفتاری کا حکم

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے پبلک پراسیکیوٹرنے سوشل میڈیا پر ایک بچےکو ہراساں کرنے اور اسے نازیبا الفاظ کہنے والے شخص کو فوری طور پر گرفتار کرنے کا حکم دیا ہے۔

پبلک پراسیکیوشن کے ایک باضابطہ ذریعے نے بتایا ہے کہ پارلیمانی مانیٹرنگ سینٹر کی طرف سے ایک رپورٹ جاری کی گئی ہےجس میں کہا گیا ہے کہ ایک شخص نے سوشل میڈیا پر براہ راست نشریات کے دوران ایک بچے کو ہراساں کیا اور نازیبا الفاظ کہے۔

پبلک پراسیکیوٹر نے مذکورہ بالا شخص کو جلد گرفتار کرنے کا حکم جاری کیا ہے اور اس کے خلاف فوجداری طریقہ کار کے قانون کے آرٹیکلز 15 اور 17 کے تحت قانونی کارروائی عمل میں لانے کا حکم دیا ہے۔

پبلک پراسیکیوشن کے ذریعے کا کہنا ہے کہ مملکت میں ہراسانی کے جرم میں ملوث عناصر کو سخت سزا دی جائے گی اور انہیں قانون کے کٹہرے میں لایا جائے گا۔

خیال رہے کہ سوشل میڈیا پر ایک ویڈیو سامنے آئی ہے جس میں ایک شخص کو ایک بچے کو نازیبا الفاظ کہتے سنا جا سکتا ہے۔

مقبول خبریں اہم خبریں

مقبول خبریں