لیبیا میں سیلاب کی تباہ کاریاں: شیرخوار لخت جگر کا لاشہ دیکھ کر والد صدمے سےنڈھال

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

لیبیا میں تباہ کن طوفان کی وجہ سے ہرطرف موت کا ننگا ناچ جاری ہے۔ سوشل میڈیا پر ایسے بھیانک مناظر ہیں کہ انہیں دیکھ کرلوگوں کے ہوش اڑ جاتے ہیں۔

سوشل میڈیا پر پوسٹ کردہ ایک ویڈیو میں امدادی کارکنوں کو ایک شیرخوار کی لاش نکالتے اور اس کے والد کے حوالے کرتے دیکھا جا سکتا ہے۔ شیرخوار کا والد اپنے لخت جگرکا لاشہ دیکھ کرآہ وبکاہ کرنے لگا اور صدمے سے نڈھال ہوگیا۔

مکان کے ملبے تلے دبے بچے کو بچانے کی کوشش کے دوران سب اس کے زندہ ہونے کی امید لگائے بیٹھےتھے مگر بچہ دم توڑ چکا تھا۔

مشرقی لیبیا کے شہروں میں آنے والے سیلاب کے نتیجے میں ہزاروں افراد ہلاک اور ہزاروں لاپتہ ہیں۔ سب سے زیادہ ہلاکتیں درنہ شہر میں ہوئیں جہاں پر امدادی کارکنوں کو ملبہ ہٹانے میں دشواری کا سامنا ہے۔

قابل ذکر ہے کہ درنہ شہر میں تقریباً 100,000 افراد رہائش پذیر تھے۔ تباہ کن اور طوفانی سیلابی ریلے سے شہر کا بیشتر حصہ تباہ ہوگیا۔

مقبول خبریں اہم خبریں

مقبول خبریں