فلسطین اسرائیل تنازع

اسرائیلیوں کی طرف سے ‘کھلونا‘ قرار دیے گئے شہید شیرخوار نے دنیا کو ہلا کر رکھ دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

قابض اسرائیلی فوج ایک طرف غزہ میں نہتے اور معصوم بچوں کا بےرحمی سے قتل عام کررہی ہے اور دوسری سوشل میڈیا پر شہیدوں کے جسد خاکی کا بھونڈے طریقے سےمذاق اڑانے اور ان کے لواحقین کے جذبات سے کھیلنے کا مکروہ عمل بھی جاری ہے۔

اس گھناؤنے سلسلے کی تازہ کڑی غزہ کے ایک شہرخوار محمد ہانی الزاہر کی شہادت کے بعد لی گئی ایک تصویر ہے جس نے سوشل میڈیا پر لاکھوں کی تعداد میں لائکس حاصل کیے مگر اسرائیلی حلقوں کی طرف سے بچے کی لاش کو ’کھلونا گڑیا‘ قرار دےکراس کا تمسخر اڑایا گیا۔

تصویر میں دیکھا جا سکتا ہے کہ شہید بچے کی نعش کو اس کے دادا نے ہاتھوں میں اٹھایا ہوا ہے جب کہ شہید کی آنکھیں کھلی دیکھی جا سکتی ہیں اور اس کا چھوٹا سا منہ کھلا ہوا ہے۔ شہید کو کبھی اس کا دادا اٹھاتا اور کبھی اس کی مامتا اسے ہاتھوں میں لے کر چومتی۔

اسرائیلیوں کی طرف سے تمسخر

تاہم سوشل میڈیا پر بہت سے اسرائیلی اکاؤنٹس جن میں سے کچھ اسرائیلی اہلکاروں کے ہیں نے اس تصویر پر سوال اٹھایا اور دعویٰ کیا کہ بچہ "صرف ایک گڑیا" تھا۔

لیکن جنازے کی ویڈیوز جو بعد میں وائرل ہوئیں اور بین الاقوامی خبر رساں ایجنسیوں نے جنازے کے مناظر اور شیر خوار بچے کی لاش کو دستاویزی شکل دی تو مذاق اڑانے اور شہید شیرخوار کو جعلی قرار دینے والوں کو سبکی کا سامنا کرنا پڑا۔

فلسطینی وفا ایجنسی سے
فلسطینی وفا ایجنسی سے

مثال کے طور پر X پلیٹ فارم پر اسرائیلی حکومت سے منسلک "اسرائیل" اکاؤنٹ نے اپنی پوسٹ کو حذف کر دیا۔

اسی طرح کچھ اسرائیلی ذرائع ابلاغ نے محمد کی ایک تصویر شائع کی اور اس کی صداقت پر سوال اٹھائے۔ یروشلم پوسٹ سمیت بعض نے معافی نامہ شائع کیئے۔

محمد الزاہریکم دسمبر کو اسرائیل اور حماس کے درمیان عارضی جنگ بندی کے خاتمے کے بعد غزہ کی پٹی کے دیر البلح میں رہائشی مکانات کو نشانہ بنانے والے اسرائیلی حملے میں شہید ہوگیا تھا۔

قابل ذکر ہے کہ گذشتہ سات اکتوبرکوغزہ میں خونریز جنگ شروع ہونے کے بعد سے بہت سے ایسے مناظر پھیل چکے ہیں جن کو اشتعال انگیز قرار دیا گیا ہے۔ ان میں اسرائیلی اثرورسوخ رکھنے والوں کے اکاؤنٹس کے ذریعے غزہ کے لوگوں کے مصائب کا مذاق اڑایا گیا یا ہلاکتوں کی تعداد پر سوالیہ نشان لگایا۔

مقبول خبریں اہم خبریں

مقبول خبریں