اسرائیلی ٹینک رفح شہرکے مرکز میں داخل ہوگئے: عینی شاہدین

اسرائیل نے رفح میں اپنے زمینی فوج کےحملے کے تین ہفتے مکمل ہونے کے بعد منگل کے روز شہر کے وسطی حصے میں بھی ٹینک بھیج دیے ہیں۔ تین ہفتے مکمل ہونے پر اسرائیلی ٹینکوں کو مقامی لوگوں نے وسطی رفح میں نقل و حرکت کرتے دیکھا ہے۔

دوسری جانب غزہ کے انتہائی جنوب میں اور مصری سرحد سے جڑے شہر کی سیکیورٹی سخت کر دی گئی ہے۔

ادھر وسطی شہر کے علاقے العدوا مسجد کے آس پاس بھی اسرائیلی ٹینک دیکھے گئے ہیں۔ اسرائیلی فوج نے اس بارے میں ابھی کوئی تبصرہ نہیں کیا ہے۔ تاہم یہ کہا ہے رفح آپریشن کے حوالے سے جلد بیان جاری کیا جائے گا۔