مشرق وسطیٰ

رفح پراسرائیلی بمباری کے نتیجے میں پانچ فلسطینی جاں بحق، 30 سے زائد زخمی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

فلسطین کے علاقے غزہ میں رفح شہر پر اسرائیل کی تازہ بمباری میں مزید 5 افراد جاں بحق اور 30 سے زاید زخمی ہو گئے۔ جاں بحق اور زخمی ہونے والوں میں زیادہ تر خواتین اور بچے بتائے جاتے ہیں۔

فلسطینی شہاب نیوز ایجنسی نے پیر کے روز اطلاع دی ہے کہ غزہ کی پٹی کے جنوبی علاقے رفح پر اسرائیلی بمباری کے نتیجے میں پانچ افراد جاں بحق اور 30 سے زائد زخمی ہو گئے۔

ایجنسی نے کہا کہ ہلاک اور زخمیوں کو خان یونس کے ناصر میڈیکل کمپلیکس ہسپتال لے جایا گیا ہے۔

الاقصیٰ ٹی وی نے قبل ازیں پیر کو عرب ورلڈ نیوز ایجنسی کے حوالے سے اطلاع دی تھی کہ مواصی کے مقام پر رفح سے بے گھر ہونے والےلوگوں کے خیموں کو اسرائیلی فوج نے گولیوں کا نشانہ بنایا۔

فلسطینی ہلال احمر نے اعلان کیا ہے کہ وسطی غزہ کی پٹی میں المغازی کیمپ پر اسرائیلی حملے میں 12 افراد زخمی ہوئے۔

ہلال احمر نے ’ایکس‘ پلیٹ فارم پر کہا کہ بمباری سے کیمپ کے دو رہائشی اپارٹمنٹس متاثر ہوئے۔ زخمیوں میں بچے بھی شامل ہیں۔

غزہ میں وزارت صحت نے اتوار کے روز اعلان کیا تھا کہ سات اکتوبر کے بعد سے پٹی پر جنگ میں 37,84 فلسطینی ہلاک اور 84,494 زخمی ہو گئے ہیں۔ ان میں زیادہ ترخواتین اور بچے شامل ہیں۔

مقبول خبریں اہم خبریں

مقبول خبریں