امریکی اور عرب وزرائے خارجہ لندن میں غزہ، لبنان پر ملاقات کریں گے

محکمۂ خارجہ نے کہا کہ امریکی وزیرِ خارجہ انٹونی بلنکن غزہ اور لبنان کی جنگوں پر تبادلۂ خیال کرنے کی غرض سے جمعے کو لندن میں اپنے عرب ہم منصبوں سے ملاقات کریں گے۔

محکمۂ خارجہ کے ترجمان میتھیو ملر نے بدھ کو صحافیوں کو بتایا کہ بلنکن جو اسرائیل کا دورہ کرنے کے بعد اس وقت سعودی عرب میں ہیں، قطر میں مذاکرات کے بعد برطانوی دارالحکومت کا سفر کریں گے۔

محکمۂ خارجہ نے فوری طور پر اس بات کی نشاندہی نہیں کی کہ لندن میں ہونے والے اجلاس میں کون سے وزراء شرکت کریں گے۔

گذشتہ ہفتے اسرائیلی حملے میں حماس کے سربراہ یحییٰ سنوار کی ہلاکت کے بعد بلنکن غزہ میں جنگ بندی کے لیے زور دے رہے ہیں۔

لبنان میں حزب اللہ کو نشانہ بنانے والے اسرائیلی حملے فوری طور پر بند کرنے پر زور دیئے بغیر وہ لبنان کے مسئلے کے"سفارتی حل" کے خواہاں ہیں۔