اردن میں اسرائیلی سفارت خانے کے علاقے میں فائرنگ سے ایک شخص ہلاک

سرکاری میڈیا نے رپورٹ کیا کہ اردن کے دارالحکومت کے قریب واقع اسرائیلی سفارت خانے پر اتوار کو صبح سویرے فائرنگ ہوئی جس کے نتیجے میں ایک شخص گولی لگنے سے ہلاک اور سکیورٹی سروسز کے تین اہلکار زخمی ہوگئے۔

سرکاری خبر رساں ایجنسی پیٹرا نے کہا، "پبلک سیکیورٹی ڈائریکٹوریٹ نے اعلان کیا کہ اتوار کی صبح دارالحکومت عمان کے علاقے ربیعہ میں ایک گشت کرنے والی ٹیم پر فائرنگ کا واقعہ پیش آیا۔"

اس میں کہا گیا ہے کہ ایک مسلح شخص نے گشت کرنے والی ٹیم پر فائرنگ کر دی جسے بعد میں سکیورٹی فورسز نے گھیر لیا۔

ایجنسی نے مزید کہا کہ اس شخص نے "سکیورٹی فورس پر گولیاں چلانا شروع کر دیں جس کے نتیجے میں فورس نے مقابلہ کیا اور مجرم مارا گیا۔"

اس میں کہا گیا ہے کہ اس واقعے کے دوران تین پبلک سکیورٹی اہلکار زخمی ہوئے اور ان کا علاج جاری ہے۔