حج کے بعد مسجد نبویﷺ میں آنے والے زائرین کی سہولت کے لیے ہجوم کی مؤثر نگرانی

مسجد نبوی ﷺ اور روضہ رسول صلی اللہ علیہ وسلم پر حاضری کا شرف حاصل کرنے والے حجاج کی آمد ورفت کا سلسلہ جاری ہے۔انتظامیہ نے زائرین کے رش کو منظم انداز میں سنبھالنے کے لیے جنرل اتھارٹی برائے حرم نبوی ﷺ نے اپنی مربوط حکمتِ عملی پر عملدرآمد شروع کر دیا ہے۔ اس کا مقصد نمازیوں اور زائرین کی آمد و رفت کو آسان بنانا، داخلے و اخراج کے عمل کو رواں رکھنا اور رش یا بھگدڑ سے بچاؤ کو یقینی بنانا ہے۔

منصوبے کے تحت نماز کے اوقات سے قبل ہی نماز کی جگہوں کو مکمل طور پر تیار کر لیا جاتا ہے تاکہ زائرین کے لیے سہولت ہو۔ نمازیوں کو مقررہ مقامات کی طرف رہنمائی فراہم کی جاتی ہے اور مسجد اور اس کے صحن میں سو سے زائد راستوں پر بیٹھنے یا نماز پڑھنے پر پابندی عائد کی گئی ہے تاکہ آمد و رفت میں رکاوٹ نہ آئے اور کسی بھی قسم کی انسانی بھیڑ سے بچا جا سکے۔

اس حکمتِ عملی میں آپریشنز سینٹر کے ساتھ براہِ راست اور مسلسل رابطہ رکھا جاتا ہے، جبکہ متعلقہ اداروں کے ساتھ مؤثر ہم آہنگی بھی شامل ہے، تاکہ ہر صورتحال کا فوری اور مؤثر جواب ممکن ہو۔

ایجنسی نے واضح کیا ہے کہ ان تمام اقدامات کا مقصد زائرین کے لیے ایک محفوظ اور منظم ماحول فراہم کرنا ہے، جہاں وہ سکون اور روحانیت کے ساتھ اپنی عبادات ادا کر سکیں۔ یہ تمام کوششیں قیادت کی ہدایات کے تحت انجام دی جا رہی ہیں، جو مملکت کی حرمین شریفین اور ان کے زائرین کی خدمت سے متعلق عظیم ذمہ داری کا مظہر ہیں۔