وقت مطالعہ
گھنٹہ
اسرائیلی فوج نے پیر کو کہا ہے کہ اس نے یہودیوں کے سالِ نو کی تعطیل کے دوران ملک کے طول و عرض میں فضائی، زمینی اور بحری افواج کے تمام جنگی محاذوں پر فوجی موجودگی کو تقویت دی ہے۔
اس سال کے شروع میں اسرائیلی میڈیا نے اطلاع دی تھی کہ فوج نے تعطیلات کے دوران پورے یونٹ کو چھٹی دینے کا دیرینہ طریقہ ختم کر دیا ہے۔
میڈیا اطلاعات کے مطابق یہ فیصلہ ایک فوجی تحقیقات کے بعد کیا گیا جن سے پتا چلا کہ حماس نے سات اکتوبر 2023 کو ایک یہودی تعطیل کا فائدہ اٹھاتے ہوئے حملہ کیا تھا جب غزہ کی سرحد کے ساتھ فوجیوں کی تعداد کم تھی۔
یہودیوں کا سالِ نو پیر 22 ستمبر کو شروع ہو کر بدھ کو ختم ہو گا۔
