شاہ فیصل ہسپتال میں رسولی کی سرجری کے لیے تھری ڈی پرنٹنگ کا استعمال
یہ کامیابی تھری ڈی پرنٹنگ میں ہسپتال کی سرگردگی کی علامت ہے
کنگ فیصل سپیشلسٹ ہاسپٹل اینڈ ریسرچ سنٹر میں تھری ڈی پرنٹنگ ٹیکنالوجی کا استعمال کرتے ہوئے ایک پیچیدہ سرجری کی گئی ہے جو ران کی بائیں کولہے کے جوڑ تک جانے والی ہڈی سے رسولی نکالنے کے لیے تھی۔
اس جدید ٹیکنالوجی کے باعث ٹیم کے لیے اعضاء کو محفوظ رکھتے ہوئے رسولی نکالنا ممکن ہوا جس سے مریض سرجری کے فوراً بعد چلنے پھرنے کے قابل ہو سکتے ہیں۔
سعودی پریس ایجنسی نے رپورٹ کیا کہ کسٹم گائیڈز کو ڈیزائن کرنے، ہڈی کا ضیاع کم کرنے اور جراحی کی درستگی کو بہتر بنانے کے لیے ہائی ریزولوشن امیجنگ کا استعمال کیا گیا۔
رسولی کے خاتمے کے بعد کولہے کی ہڈی کا ایک جدید مصنوعی جوڑ لگایا گیا جس سے نقل و حرکت تیزی اور محفوظ طریقے سے بحال ہو گئی۔
یہ کامیابی تھری ڈی پرنٹنگ میں ہسپتال کی سرکردگی کو نمایاں کرتی ہے جس کے اعتراف میں اسے ٹیکنالوجی پروجیکٹ مینجمنٹ میں گلوبل ایکسیلنس ایوارڈ سے نوازا گیا ہے۔
یہ ہسپتال پیچیدہ آرتھوپیڈک آنکولوجی میں علاقائی اور بین الاقوامی سطح پر نمایاں مقام کا حامل ہے جسے تھری ڈی پرنٹنگ کی سہولیات، آرتھوپیڈک آنکولوجی، ریڈیولاجی، میڈیکل آنکولوجی، تشخیصِ امراض اور معذوری کی بحالی کے لیے کثیر الشعبہ ٹیموں کی مدد حاصل ہے۔
یہ سہولیات ہڈیوں کی مشکل رسولیوں والے مریضوں کو علاج کے لیے نئے امکانات فراہم کرتی ہیں اور ان سے سرجری کے دورانیے میں کمی اور صحت یابی میں تیزی آتی ہے۔
