.

پاکستانی فوج کے سربراہ سے سعودی عرب کے معاون وزیر دفاع کی ملاقات

پہلی اشاعت: آخری اپ ڈیٹ:

پاکستانی فوج کے سربراہ جنرل قمر جاوید باجوہ سے سعودی عرب کے معاون وزیر دفاع نے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف سے سعودی معاون وزیر دفاع محمد بن عبداللہ العایش نے جنرل ہیڈکوارٹر (جی ایچ کیو) راولپنڈی میں ملاقات کی۔ آئی ایس پی آر کا کہنا ہے کہ ملاقات میں دفاعی تعاون اور علاقائی سیکیورٹی صورتحال پر تبادلہ خیال کیا گیا۔

ملاقات میں دونوں ممالک کے درمیان دفاعی شعبے اور سلامتی سے متعلق امور میں تعاون سمیت خطے کی صورت حال پر بھی بات چیت کی گئی۔