ملک کی پہلی وفاقی آئینی عدالت کے پہلے چیف جسٹس کے طور پر جسٹس امین الدین آج اپنے عہدے کا حلف اٹھائیں گے، صدر مملکت کی جانب سے گذشتہ شب تقرری کی منظوری دی گئی تھی، جس کے بعد ایوانِ صدر میں حلف برداری کی تقریب ہو گی۔
ملک کی پہلی وفاقی آئینی عدالت کے پہلے چیف جسٹس کے طور پر جسٹس امین الدین آج عہدے کا حلف اٹھائیں گے۔ حلف برداری کی یہ تقریب ایوانِ صدر اسلام آباد میں منعقد ہوگی جہاں صدر مملکت آصف علی زرداری جسٹس امین الدین سے حلف لیں گے۔
گذشتہ شب صدر مملکت نے جسٹس امین الدین کی بطور چیف جسٹس وفاقی آئینی عدالت تقرری کی منظوری دی تھی۔ وزارتِ قانون کی جانب سے اس تقرری کا باضابطہ نوٹیفکیشن بھی جاری کر دیا گیا ہے۔ جسٹس امین الدین 26ویں آئینی ترمیم کے تحت قائم ہونے والے آئینی بینچ کے سربراہ بھی ہیں۔
وزیراعظم شہباز شریف نے جسٹس امین الدین کی تقرری کے لیے صدر کو ایڈوائس بھیجی تھی۔ جسٹس امین الدین چھبیسویں آئینی ترمیم کے تحت قائم ہونے والے آئینی بینچ کے سربراہ بھی ہیں۔
حکومتی نوٹیفکیشن کے بعد آج ہونے والی تقریب میں اعلیٰ حکومتی و عدالتی شخصیات کی شرکت بھی متوقع ہے۔
یاد رہے حکومت کی جانب سے 27ویں ترمیم کے ذریعے آئین میں سپریم کورٹ اور ججز سے متعلق بڑی تبدیلیوں کے بعد سپریم کورٹ کے دو ججز جسٹس منصور علی شاہ اور جسٹس اطہر من اللہ جمعرات کو مستعفیٰ ہو گئے تھے۔
وزیر مملکت برائے قانون و انصاف عقیل ملک نے دونوں ججوں کے استفعوں کی تصدیق کی۔ تاہم ابھی تک یہ معلوم نہ ہو سکا کہ آیا دونوں استعفے منظور کر لیے گئے یا نہیں۔
ادھر لا اینڈ جسٹس کمیشن آف پاکستان کے رکن اور سابق اٹارنی مخدوم علی خان بھی مستعفی ہو گئے ہیں۔
