• صفحہ اول
• مشرق وسطی

روس کی وزارت خارجہ کی ترجمان ماریہ زاہروف نے ایرانی جوہری تنصیبات اور مراکز پر اسرائیل کے ہونے والے حملوں کی مذمت کرتے ہوئے کہا ہے کہ اسرائیل نے یہ حملے کر کے بد ترین تباہی کو دنیا سے محض چند ملی میٹر کے فاصلے پر لاکھڑا کیا ہے۔

روسی ترجمان کا یہ بیان روسی خبر رساں ادارے' آر آئی اے ' نے بدھ کے روز رپورٹ کیا ہے۔

ایرانی جوہری تنصیبات پر اسرائیل مسلسل حملے کر رہا ہے۔ ان حملوں کی تصدیق بین الاقوامی جوہری ادارے 'آئی اے ای اے ' نے بھی کر دی ہے۔

ادھر امریکی صدر ٹرمپ نے بھی ایرانی جوہری پروگرام کے بارے میں سخت موقف ظاہر کرتے ہوئے کہا ہے کہ ایران کو جوہری ہتھیاروں کی اجازت نہیں دی جاسکتی۔ امریکی بنکر بسٹر بموں کو گرانے والے جہازوں کی مشرق وسطی منتقل کو بھی اسی تناظر میں دیکھا جا رہا ہے۔

خطے کے ملکوں میں بھی تشویش پائی جاتی ہے۔ قطری ترجمان ماجد الانصاری نے کہا ہے کہ قطر ایرانی جوہری مراکز پر اسرائیلی حملوں کے ممکنہ اثرات کو مانیٹر کر رہا ہے ۔