• صفحہ اول
• مشرق وسطی

سعودی عرب نے سخت ترین الفاظ میں اسرائیلی قابض حکام کی مذمت کی ہے کہ وہ فلسطینی عوام اور ان کی مقبوضہ اراضی کے خلاف جرائم میں مسلسل اضافہ کر رہے ہیں ... اور انھیں جبری طور پر بے گھر کرنے اور ایک آزاد فلسطینی ریاست کے قیام کو روکنے کی مسلسل کوششیں کر رہے ہیں۔ اس کے ساتھ ہی سعودی عرب نے خبردار کیا کہ قابض حکام مقبوضہ بیت المقدس کے گرد و نواح میں مزید بستیوں کی تعمیر شروع کر چکے ہیں اور اپنی کارروائیوں اور جارحیت کو وسعت دے رہے ہیں، یہ نہتے شہریوں کے خلاف غزہ کی پٹی میں نسل کشی کے جرائم کے مترادف ہے۔

سعودی عرب نے واضح کیا کہ یہ اقدامات بین الاقوامی قانون اور سلامتی کونسل کی متعلقہ قراردادوں کی سنگین خلاف ورزیاں ہیں۔ مملکت کی جانب سے جاری بیان میں کہا گیا ہے کہ اسرائیلی خطرناک منصوبوں پر عمل درآمد اور قابض حکام و افواج کے جرائم کا تسلسل، خطے کے امن و استحکام پر سنگین اثر ڈال رہا ہے اور بین الاقوامی نظام کی قانونی حیثیت کو خطرے میں ڈال رہا ہے۔