.

سعودی عرب کے شہر بریدہ کی مسجد میں چیتا گھس آیا

خونخوار جانور کو صفوں پر بیٹھا دیکھ کر نمازیوں کی جان نکل گئی

پہلی اشاعت: آخری اپ ڈیٹ:

سعودی عرب کے شہر بریدہ کی ایک مسجد میں نماز کے لئے آنے والے شہری مسجد کی صفوں پر موجود چیتے کو دیکھ کر حیران رہ گئے۔

اس موقع پر بعض نمازیوں نے مسجد میں موجود چیتے کی ویڈیو بنا کر وسوشل میڈیا پر اپ لوڈ کر دی، جو انٹرنیٹ پر تیزی سے مقبول ہو رہی ہے۔ ویڈیو میں اپنے مالک کے ہاں سے 'فرار' ہونے والے خونخوار جانور کو مسجد کی ایک صف پر لیٹے دیکھا جا سکتا ہے۔

چیتے کی مسجد میں موجودگی کی اطلاع ملتے ہی علاقے میں گشت پر مامور سیکیورٹی عملہ مسجد پہنچ گیا اور اس نے پالتو جانوروں کے نگران شعبے کو اطلاع دی، جس نے 'مفرور چیتے' کو پکڑ کر اس کے مالک کے حوالے کر دیا اور اس سے مستقل میں لاپرواہی نہ برتنے کا اقرار نامہ لکھوایا۔