بلند فشار خون کے 'چٹورے' مریضوں کے لئے خوشخبری

بلند فشار خون میں مبتلا مریضوں کے لئے خوشخبری ہے کہ اب وہ اپنے 'من پسند نمکین' کھانوں سے لطف اندوز ہو سکیں گے۔ ہائی بلڈ پریشر کے مریضوں کو نمک جیسے 'سفید زہر' سے مزید ڈرایا نہیں جا سکے گا۔

اس مقصد کے لئے جاپان کی ٹوکیو یونیورسٹی نے ایک 'سمارٹ کانٹا' تیار کیا ہے۔ جدید کانٹے پر لگے پیلے بٹن کو دبانے سے الیکٹرک کرنٹ کے ذریعے سے نمک کی مقدار کھانے میں براہ راست شامل ہونے کے بجائے کھانا کھانے والے کے دماغ کو نمکین ذائقے کا احساس منتقل ہوتا ہے۔

منفرد کاٹنا ڈیزائن کرنے والوں کے مطابق اس منصوبے پر کام 2012 میں شروع ہوا تھا اور اب اسے مزید جدت دیتے ہوئے تیزاب کا ذائقہ چکھنا بھی شاید ممکن ہو سکے۔