.

تاخیر سے آنے پر چینی استاد کی طلباء کو انوکھی سزا!

دیر سے آنے والے طلباء کوایک دوسرے کو تھپڑ مارنے کا حکم

پہلی اشاعت: آخری اپ ڈیٹ:

تاخیر سے اسکول یا کلاس میں آنے پر طلباء کو تادیبی طور پر ڈانٹ ڈپٹ کا سامنا تو کرنا پڑتا ہے مگر چین میں ایک استاد نے طلباء کو لیکچر میں تاخیر سے پہنچنے پر انوکھی سزا دی جس کے سوشل میڈیا پر بھی خوب چرچے ہو رہے ہیں۔

العربیہ ڈاٹ نیٹ کے مطابق سوشل میڈیا پر مقبول ہونے والی فوٹیج میں ایک چینی استاد کو تاخیر سے آنے والے طلباء کو ایک طرف کھڑا کر کے انہیں ایک دوسرے کو طمانچے مارنے کی سزا دے رہے ہیں۔ دیر سے آنے والے طلباء کو اس وقت تک کلاس میں بیٹھنے کی اجازت نہیں دی جاتی جب تک وہ ایک دوسرے کے منہ پر طمانچے نہیں مارتے۔ سوشل میڈیا پر چینی استاد کی اس انوکھی سزا پر ملے جلے تبصرے جاری ہیں۔